Mark 10:39 - The New Testament in Islander Creole

³⁹ Dehn ansa, “Yees, wi kyan du'ih.” Ahn Jesus tel dem, “Unu kyan mek shuor seh unu gwain drink outa di kop weh Ai gwain drink, ahn unu shuor gwain paas chruu di sofarin laik mii.

Mark 10:39 Iomraidhean Croise

Matthew 10:25

So wan disaipl shuda laan fi bii az waiz az ihn tiicha, ahn wan sorvant az waiz az ihn maasta. If dehn kaal di maasta a wan hous ‘Beelzebul,’ ho moch wosa dehn gwain taak bad bout di res a ihn famaly!

Matthew 3:6

Ahn John baptaiz aala di pipl dem weh wehn kanfes dehn sin.

Mark 14:31

Bot Peter insis ahn seh tu Jesus, “Nuo sah, nat iivn if Ah hafy ded wid yo, Ah no gwain seh Ah no nuo yo!” Ahn di res a di disaipl dem seh di siem ting.

Mark 14:36

Ihn seh, “Faada, Uo mai Faada! Yu kyan du evryting; pliiz tek weh disya kop a sofarin fahn mi. Stil yet, dah no weh Ai waahn; dah weh yuu waahn Ah gwain du.”

John 13:37

So Peter aks im, “Bot Laad, wai Ah kyaahn go wid yo now? Ah wuda dongtu ded fi yo!”

John 15:20

Unu no memba weh Ah wehn tel unu? Ah seh: ‘Wan sorvant no beta an ihn maasta.’ If di pipl dem wehn gi mi haad taim, den dehn gwain gi unu haad taim tu; if dehn wehn lisn tu mii, dehn gwain lisn tu unu tu.

John 17:14

Ah don tel dem di siem wod dem weh yu wehn tel mii, bot di pipl fahn disa worl wehn hiet mi falowa dem, bikaaz dehn no dah fi ih, jos laik how Ah no dah fahn disa worl niida.

Acts 12:2

Mongs dem dehn grab James —John breda— ahn Herod gi aadaz fi mek dem kil im wid wan suod.

Colossians 1:24

So, Ah ongl glad wen Ah kuda sofa fi unu iina mi bady, bikaaz den, Ah deh finish aaf weh lef a di sofarin weh Christ wehn hafy gaan chruu fi di chorch —weh dah ihn bady.

Revelation 1:9

Ai dah John, unu breda, bikaaz wii dah wan wid Jesus Christ. Ahn Ah sofa wid unu tu sieka wi deh fala Christ iina ihn Kingdom tugeda, bot God gi wi di strent fi bier'ih. Now, bikaaz Ai wende tel di pipl dem bout God Wod ahn di chruut bout Jesus, dehn put mi pahn dis ailant weh niem Patmos.