Mark 10:21 - The New Testament in Islander Creole

²¹ Jesus luk striet pan im wid lov ahn tel im seh, “Yo stil gat wan ting muo fi du: Golang ahn sel weh yo gat, ahn gi di puor pipl dem di mony; den yo gwain get wan paila trezha iina hevn. Afta dat, kom ahn fala mi.”

Mark 10:21 Iomraidhean Croise

Matthew 16:24

Den Jesus seh tu ihn disaipl dem, “If enywan a unu waahn kom wid mii, unu hafy figat bout unuself, tek op unu kraas —pripier fi sofa— ahn fala mi.

Matthew 19:21

Jesus ansa im, “If yo waahn bii uova gud iina evrywie, golang ahn sel weh yo gat ahn gi di puor pipl dem di mony; den yo gwain get wan paila trezha iina hevn. Afta dat, kom ahn fala mi.”

Mark 10:22

Bot wen di man hier dis, ihn wehn shak wid wat Jesus seh ihn hafy du, ahn ihn gaan fahn dehso uova sad, bikaaz ihn dah wehn uona a plenty lan ahn ada ting.

Mark 8:34

Den Jesus kaal di kroud ahn ihn disaipl dem nier tu him ahn seh, “If enywan a unu waahn kom wid mii, unu hafy figat bout unuself, tek op unu kraas —pripier fi sofa— ahn fala mi.

Luke 10:42

bot ongl wan ting yo niid fi du. Mary chuuz di bes wan ahn nonbady kyaahn tek'ih weh fahn im.”

Luke 12:33

Sel aal weh unu gat ahn gi di puor dem di mony, ahn unu gwain get mony bag weh no gwain wier out. Put unu richiz iina hevn weh paat ih no gwain don, ahn weh non tiif kyaahn kom nier dem ahn non wud-lais kyaahn distrai niida,

Luke 16:9

Den Jesus kantinyo ahn seh, “Ah deh tel unu dis: unu mony no gwain laas fareva, so yuuz wateva unu gat pan dis ort fi bii wan gud fren tu pipl, ahn wen unu mony don, God gwain glad fi risiiv unu op iina hevn.

Luke 18:22

Afta Jesus hier im, ihn seh, “Yo stil gat wan ting muo fi du: Golang ahn sel aal weh yo gat ahn gi di puor dem di mony; den yo gwain get wan paila trezha iina hevn. Afta dat, kom ahn fala mi.”

Luke 19:41

Now wen dehn wende get nier tu Jerusalem, Jesus si di sity, ahn ihn staat hala uova ih,

Luke 9:23

Den Jesus seh tu aala dem: “If enywan a unu waahn kom wid mii, unu hafy figat bout unuself, tek op unu kraas evry die —pripier fi sofa— ahn fala mi.

John 12:26

Enybady weh waahn sorv mii hafy fala mii, so dehn kyan deh di siem plies weh Ah deh tu. Ahn di Faada gwain ana enybady weh sorv mii.

John 16:33

“Ah deh tel unu demya tingz fi mek unu gat piis iina unu haat. Unu gwain sofa plenty iina dis worl, bot unu no fi wory, bikaaz Ah don distrai di powa fahn dis worl aredy.”

Acts 2:45

Laik dehn staat sel dehn lan ahn ada tingz weh dehn wehn uon, ahn dehn gi di mony weh dehn get fahn ih tu aala dem weh wehn niid ih.

2 Corinthians 12:15

Ahn Ah ongl gwain get hapy fi gi unu aal weh Ah gat —ahn iivn gi unu miself tu, fi help unu! So den, dat miin unu gwain lov mi eny les jos bikaaz Ai lov unu tuu moch?

2 Timothy 3:12

Dah chruut, enybady weh dah fi Christ Jesus ahn waahn liv rait gwain hafy put'op wid plenty persikyuushan fahn ada pipl.

Hebrews 10:34

Ahn unu wuda fiil fi demde pipl weh wehn iina jiel tu. Unu wehn stie gud, iivn duo som ada pipl wehn tiif evryting weh unu wehn uon. Iina demde taim unu wehn nuo seh unu wehn gwain get beta ting —ting weh gwain laas fareva op iina hevn.

James 2:10

Memba: enybady weh obie evryting weh di Laa seh, bot dehn mes'op pahn wan likl paat a ih, dehn gilty a brok aala di komaanment dem iina di Laa!

Revelation 2:14

Bot Ah gat som tingz weh Ah deh bliem unu fah: Som a di pipl dem mongs unu deh du di tingz dem weh Baalam wende tel di pipl dem fahn Israel fi du lang taim abak. Ihn wehn tiich Balak how fi trap di pipl ahn mek dem sin. Ihn wehn get dem fi iit miit weh pipl wehn don sakrifais tu di aidal dem, ahn fi liv wan slak laif tu.

Revelation 2:20

Stil yet, Ah gat som tingz gens unu: Unu mek dah uman Jezebel weh seh shii dah wan prafit fahn God, stie deh mongs unu. Ahn unu iivn mek shii deh tiich unu rang tingz, laik fi iit fuud weh aafa tu di aidal dem ahn fi du aal dehn sin weh gat fi du wid slak laif.

Revelation 2:4

Bot, Ah gat somting gens unu: unu no lov mi laik how unu yuuztu lov mi fos.