Mark 10:14 - The New Testament in Islander Creole

¹⁴ Wen Jesus nuotis wat di disaipl dem wende du, ihn get beks wid dem ahn seh, “Mek di likl pikniny dehn kom upaa Ah deh, ahn no henda dem fi kom, bikaaz God Kingdom dah fi pipl laik dem.

Mark 10:14 Iomraidhean Croise

Matthew 18:10

“Mek shuor seh unu no luk dong pahn wan a demya likl wan laik dem weh no impuotant, bikaaz Ah deh tel unu di chruut: Op iina hevn fi dem ienjel aalwiez deh luk pahn di fies a mi Faada weh dedeh.

Matthew 18:4

Enybady weh ombl ihnself laik dis likl pikniny, him dah di bigis iina di Kingdom a Hevn,

Matthew 19:14

Bot Jesus seh, “Mek di likl pikniny dehn kom upaa Ah deh, ahn no henda dem fi kom, bikaaz di Kingdom a Hevn dah fi pipl laik dem.”

Matthew 5:10

Ahn dem weh dehn trai kiip dong jos sieka dehn du gud, bles tu; bikaaz di Kingdom a Hevn dah fi dem.

Matthew 5:3

“Dem weh puor iina spirit, bles; bikaaz di Kingdom a Hevn dah fi dem!

Mark 3:5

Den Jesus get beks ahn ihn luk roun pan dem, ahn ihn fiil sary seh dehn haat wehn so haad. Den Jesus tel di man, “Strech out yo han!” Ahn di man strech'ih out, ahn rait dehso ihn han get gud jos laik di ada wan!

Mark 8:33

Bot Jesus ton roun ahn luk pan di ada disaipl dem ahn tel Peter, “Gwaan fahn yah, Satan! Yuu ongl deh tink laik man, ahn no grii wid weh God waahn fi hapm!”

John 3:3

Jesus ansa ahn seh, “Hier dis chruut weh Ah deh tel yo: nonbady kyaahn bii wan paat a God Kingdom eksep dehn baan agen.”

John 3:5

Jesus tel im, “Hier dis chruut weh Ah deh tel yo: nonbady kyaahn bii wan paat a God Kingdom eksep dehn baan chruu waata, ahn chruu di Holy Spirit.

Acts 2:39

Dis pramis dah fi unu ahn unu pikniny dem, ahn fi dem weh deh foor fahn yah tu; dis pramis dah fi aala dem weh wi Laad God kaal fi fala him.”

Acts 3:25

Ahn now unu dah di wan dem weh get weh di prafit dem wehn taak bout. Unu get di agriiment God wehn mek wid unu ansesta dem. Ihn seh tu unu faada Abraham, ‘Ah gwain bles aal di nieshan iina di worl chruu yo disendant.’

Romans 11:16

Memba seh: if di fos piis a duo fi mek bred get huoly bikaaz ih get aafa op tu God, den di huol luof dah fi God tu, no chruut? Iina di siem wie, if di ruut dem fi wan trii get aafa op tu God, den dat miin seh di lim dem fi dah trii dah fi him tu.

Romans 11:28

Sieka weh di Jew dem don ton dehn bak pahn di Gud Nyuuz, dehn dah God enimy, bot unu Gentile pipl deh benifit fahn weh dehn wehn du. Bot, bikaaz God wehn plan fahn lang taim abak fi mek demya Jew bii ihn uon pipl dem, dehn gwain ton fi bii ihn fren agen, sieka weh ihn wehn pramis dehn muos impuotant ansesta dem,

1 Corinthians 14:20

Bredrin, unu no fi tink laik pikniny. Yees, unu kyan bii laik pikniny wen ih kom tu nuo bout wikid tingz, bot unu shuda bii laik big pipl wen ih kom tu how unu shuda tink bout gud tingz!

1 Corinthians 7:14

Bikaaz di hozban weh no chros iina di Laad, ihn don kom fi bii wan wid ihn waif aredy; so God gwain aksep di hozban laik wan a ihn uon. Ahn, bikaaz di waif weh no biliiv aredy, kom fi bii wan wid ihn hozban, God gwain aksep di waif laik wan a ihn uon. If dat dah neva so, fi dehn pikniny neva wehn gwain bii huoly fi God. Bot iina dah wie, dehn kom fi bii huoly fronta God tu.

Ephesians 4:26

So, if unu beks so bad til unu deh si red, unu no fi mek dat mek unu sin muo wosa; bot siem taim mek'ih rait agen wid yo breda. Ahn no mek di son go dong wen unu stil yet beks wid im niida!

2 Timothy 1:5

Ah memba how yu chros iina God wid aal yo haat jos laik how yo granmada, Lois, ahn yo muma, Eunice, yuuztu du. Ahn now, Ah nuo seh yuu tu gat di siem fiet fi chros God jos laik dem.

2 Timothy 3:15

Yo fi memba di tiichin dem fahn wen yu wehn smaal. Dah di Huoly Skriptyo weh tiich yo fi bii waiz, so yu kyan gat fiet iina Jesus Christ fi bii siev.

1 Peter 2:2

Insida dat, siem laik how dehn nyuu baan bieby no waahn notn els eksep dehn muma milk, unu fi tek God Wod laik milk ahn drink'ih plenty taim so ih kyan mek unu gruo iina unu salvieshan;

Revelation 14:5

Dehn neva tel lai yet, so unu kyaahn fain non faalt wid dem ataal.