Mark 1:27 - The New Testament in Islander Creole

²⁷ Ahn wen aal di pipl si dis, dehn kudn biliiv weh dehn si, ahn dehn seh mongs demself, “Dah weh kain a nyuu tiichin dis? Disa man gat di powa uova di bad spirit dem, ahn dehn pie im main!”

Mark 1:27 Iomraidhean Croise

Matthew 15:31

So di pipl dehn wehn uova sopraiz wen dehn si seh, di wan dem weh kudn taak wende taak agen, di kripl dem wende waak, ahn di blain dem kuda si agen. Ahn aala dem staat priez di God a Israel.

Matthew 8:9

Ai nuo dis bikaaz Ai deh aanda mi sopierya dem, ahn Ai gat suoldya aanda mii tu. Ai ongl hafy tel wan a dem, ‘Go!’ ahn ihn go, or ‘Kom!’ ahn ihn kom. Ahn if Ah tel mi sorvant, ‘Du dis!’ ihn gwain du'ih.”

Matthew 9:33

Bot wen Jesus ron out di bad spirit outa di man, ihn staat taak agen! Ahn di paila pipl weh wehn dedeh get uova sopraiz ahn dehn seh, “Wii neva si notn laik dis hapm yet mongs fi wi Israel pipl!”

Mark 1:26

Wen di bad spirit hier dis, ihn shiek op di man, ahn baal out, ahn kom rait outa im.

Mark 1:28

So di nyuuz bout Jesus, ahn weh ihn du, spred aal uova evry paat a Galilee lan.

Mark 10:24

Den di disaipl dem wehn uova sopraiz wid wat Jesus seh, so ihn tel dem, “Unu weh dah mi fren dem, ih uova haad fi pipl [weh biliiv seh mony dah evryting] get iina God Kingdom.

Mark 10:32

Rait yah, dehn wende pan di wie gwain Jerusalem. Ahn Jesus wende hed a ihn disaipl dem, bot dehn wehn fried. Ahn di pipl dem weh wehn gwain lang wid dem wehn fraitn tu. Den, Jesus tek ihn twelve disaipl wan-said ahn tel dem aal di tingz weh wehn gwain hapm tu im.

Mark 16:5

So dehn gaan iina di tuum weh dehn si wan yong man deh sidong pahn dehn rait said dres iina ful wait. Ahn dehn wehn fraitn tu det.

Mark 16:6

Di yong man tel dem, “Unu no fried! Ah nuo seh unu deh luk fi Jesus fahn Nazareth weh dehn niel'op pahn di kraas. Ihn no deh yahso; ihn don riez'op fahn mongs di ded! Unu luk deh; dis dah di plies weh dehn wehn put ihn bady, ahn ihn no dedeh no muo.

Mark 7:37

Aal weh hier wat hapm kuda haaly biliiv'ih. Ahn dehn seh, “Ihn du evryting gud. Ihn iivn mek di def hier ahn di dom taak!”

Luke 4:36

Ahn wen aal di pipl si dis, dehn kudn biliiv weh dehn si, ahn dehn seh mongs demself, “Dah weh kain a tiichin dis? Disa man gat di powa uova di bad spirit dem, ahn dehn du weh ihn seh!”

Luke 9:1

Wan nada die Jesus kaal ihn twelve apasl tugeda, ahn ihn gi dem powa ahn atarity uova di bad spirit dem, ahn fi kyuor aal kain a siknis.

Acts 17:19

So dehn ker Paul dah wan miitn plies weh dehn kaal di Areopagus. Ahn dehn seh, “Kom tel wi bout dis nyuu tiichin weh yo deh taak bout.