Mark 1:15 - The New Testament in Islander Creole

¹⁵ Jesus seh, “Dah taim now fi unu ripent ahn biliiv di gud nyuuz weh Ah deh tel unu, bikaaz now dah di taim wen unu kyan bii paat a ihn Kingdom!”

Mark 1:15 Iomraidhean Croise

Matthew 10:7

Ahn wen unu deh shier God Wod wid dem, unu fi seh, ‘Dah taim now; God deh kom fi ruul!’

Matthew 3:2

“Ripent, bikaaz dah taim now; God deh kom fi ruul!”

Matthew 4:17

So, fahn rait dehso, Jesus staat priich ahn seh, “Unu fi ripent, bikaaz now dah di taim wen unu kyan bii paat a di Kingdom a Hevn!”

Luke 10:11

‘Wi iivn deh waip di dos a unu toun fahn aafa wi fut batam fi shuo seh unu iina dienja. Bot nuo dis: God Kingdom deh nier ahn unu kuda bii paat a ih, bot unu no waahn.’

Luke 10:9

Ahn if enybady dedeh weh sik, kyuor dem; ahn tel di pipl dem, ‘Now dah di taim wen unu kyan bii paat a God Kingdom.’

Luke 24:47

Ahn ihn falowa dem gwain priich iina ihn niem staatin fahn Jerusalem, den tu aal di nieshan dem. Ahn God gwain fargiv evrybady weh ton fahn dehn wikid wiez.’

Acts 20:21

Ah wehn gat wan mesij fi di Jew pipl dem ahn di Greek dem tu —seh dehn hafy ripent ahn ton tu God, ahn chros iina di Laad Jesus Christ fi siev dem.

Romans 16:26

Bot now God —weh liv fareva— deh mek evrybady gwain kyan nuo bout'ih chruu di mesij weh di prafit dem wehn rait. Ahn ihn du dat so di pipl fahn aal di nieshan dem fahn di worl gwain kyan chros iina ihn Son ahn obie im! Dah fi wi Faada God weh dah di ongli'is wan weh gat aal di wizdom iina evryting! Mek wi priez him fareva ahn eva chruu Jesus Christ. Amen!

Galatians 4:4

Bot wen di rait taim kom, God sen ihn Son, ahn dah wehn wan uman baan him. Ahn wen ihn wende gruo'op, ihn wehn hafy obie di Laa tu,

Ephesians 1:10

Dis plan weh God gwain kompliit wen di rait taim kom, dah fi bring tugeda evryting weh deh iina hevn ahn weh deh pahn ort wid Christ az di hed!

1 Timothy 2:6

Jesus wehn sakrifais ihn laif fi set aal wi pipl frii fahn sin, ahn dat sakrifais wehn mek iina di rait taim.

Titus 1:3

Ahn den wen di rait taim kom, fi wi Sievya God gi mi dis Gud Nyuuz ahn komaan mi fi go, go priich'ih tu evrybady.