Luke 9:56 - The New Testament in Islander Creole

⁵⁶ Afta dat dehn gaan dah wan neks toun.

Luke 9:56 Iomraidhean Croise

Matthew 18:10

“Mek shuor seh unu no luk dong pahn wan a demya likl wan laik dem weh no impuotant, bikaaz Ah deh tel unu di chruut: Op iina hevn fi dem ienjel aalwiez deh luk pahn di fies a mi Faada weh dedeh.

Matthew 18:11

[Yo si, di Son a Man wehn kom fi siev dem weh laas.]

Matthew 20:28

Dah rait so di Son a Man deh; ihn no kom fi di pipl dehn sorv im, bikaaz him kom fi sorv ahn fi gi ihn laif fi pie fi plenty pipl sin.”

Matthew 5:39

Bot Ah deh tel unu: no rizis dem weh waahn hot yo. Insida dat, if enybady lik yo pan yo rait jaa, mek ihn lik yo pan di neks wan tu.

Luke 19:10

Yo si, di Son a Man kom fi luk fi dem weh laas ahn fi siev dem.”

Luke 22:51

Jesus seh, “No muo a dis!” Ahn ihn toch di man iez ahn kyuor im bak.

Luke 23:34

Ahn Jesus seh, “Faada, fargiv demya pipl, bikaaz dehn no nuo weh dehn deh du.” Den di suoldya dem, fi shier op ihn kluoz mongs dehnself, gyambl wid dais fi si huu wuda get wish piis.

Luke 9:55

Bot Jesus ton roun ahn kaal dehn atenshan.

Luke 9:57

Az dehn wende waak gwain lang di ruod, wan man seh tu Jesus, “Ai waahn fala yo no main weh yo go.”

John 10:10

Di tiif ongl kom fi tiif ahn kil ahn mash'op. Bot mii wehn kom fi gi di shiip dem riil laif, ahn dat laif gwain bii wan uova gud laif bitout non en ataal!

John 12:47

“Bot, if enybady hier weh Ah seh ahn no du'ih, Ah no gwain joj im, bikaaz Ah neva kom fi joj di pipl iina disa worl, bot Ah kom fi siev dem.

John 3:17

God neva sen ihn Son iina di worl fi kandem di pipl dem, bot fi dem get siev chruu him.

Romans 12:21

So den, unu weh dah mi fren dem, unu no fi mek wikidnis get di bes a unu. Bot reda, unu fi win uova wikidnis bai di gud weh unu du!

1 Timothy 1:15

So den, dis mesij weh Ah deh tel unu, dah chruu ahn evrybady shuda biliiv'ih. Dis mesij weh Ah priich seh: “Christ Jesus kom iina di worl fi siev di sina dem!” Ahn Ai shiem fi seh, dat Ah yuuztu bii di wos wan a dem! Ah yuuztu sin muo wosa an enybady els.