Luke 9:45 - The New Testament in Islander Creole

⁴⁵ Bot Jesus disaipl dem neva andastan weh ihn wende trai fi tel dem, bikaaz di riil miinin wehn haid fahn dem. So ih neva klier weh Jesus wende seh, ahn dehn wehn fried fi aks im.

Luke 9:45 Iomraidhean Croise

Matthew 16:22

Den Peter tek im wan-said ahn staat kaal ihn atenshan; ihn seh, “Stap seh dat, Laad! God gwain siev yo; dis neva gwain hapm tu yo!”

Matthew 17:22

Ahn wen dehn wende gyada tugeda iina Galilee lan, Jesus tel dem, “Di Son a Man gwain get sel out tu di pipl weh hiet im,

Mark 9:10

So dehn neva tel nonbady bout dis, bot aks mongs dehnself wat “kom bak fahn di ded” miin.

Mark 9:32

Iivn duo Jesus disaipl dem hier wat ihn seh, dehn neva andastan weh ihn miin, bot dehn wehn fried fi aks im.

Luke 18:34

Bot di disaipl dem neva andastan wan ting bout weh Jesus wende seh. Di riil miinin a dis wehn haid fahn dem, ahn dehn neva nuo weh ihn wende taak bout.

Luke 2:50

Bot ihn pierans neva andastan weh ihn wende seh tu dem.

Luke 9:46

Afta dat, di disaipl dem staat aagyo mongs demself bout wish wan a dem dah wehn di muos impuotant wan.

John 12:16

Fos di disaipl dem neva andastan non a di tingz dem weh wende hapm. Bot dah afta Jesus riez'op fahn di ded iina aala ihn gluory, den dehn memba seh aal di tingz weh wehn rait dong iina di Skriptyo bout im, dat dehn wehn du aala demde tingz tu im fi chruut.

John 12:34

Den di kroud ansa ahn seh, “Fi wii Skriptyo seh di Christ gwain liv fareva. So how yuu kyan seh dehn gwain lif op di Son a Man? Dah huu dah dis ‘Son a Man’ enywie?”

John 14:5

Bot Thomas seh tu im, “Laad, wii no iivn nuo weh paat yo gwain; so dah how wi kyan nuo di wie fi get deh?”

John 4:33

So di disaipl dem seh tu wan anada, “Nonbady neva bring notn fi him iit, no chruu?”