Luke 9:20 - The New Testament in Islander Creole

²⁰ Den Jesus aks dem, “Ahn weh bout unu? Dah huu unu seh dah mii?” Peter ansa, “Yuu dah di Christ, God Mesaya!”

Luke 9:20 Iomraidhean Croise

Matthew 22:42

“Wat unu deh tink bout di Mesaya? Him dah fi huu son?” Ahn dehn tel im, “Fi David.”

Matthew 26:63

Bot Jesus neva seh wan wod. Den di Hai Priis seh tu im, “Ah aada yo iina di niem a di livin God fi tel wi if yuu dah di Mesaya, God Son!”

Matthew 5:47

Ahn if yo ongl hiel yo fren dem, wat gud yu deh du muo an wan nada man? Dongtu di Gentile sina dem du di siem ting, no chruut?

Mark 14:61

Bot Jesus kiip ihn mout shet ahn neva seh notn. Den di Hai Priis kwestyan im agen ahn aks im, “Dah yuu dah di Mesaya, di Son a di Muos Hai God weh bles fareva?”

Mark 8:29

Den Jesus aks dem, “Ahn weh bout unu? Dah huu unu seh dah mii?” Peter ansa, “Yuu dah di Christ, God Mesaya.”

Luke 22:67

“If yuu dah di Mesaya fi chruut, tel wi!” Ahn Jesus ansa, “Iivn if Ah tel unu, unu no gwain biliiv mi,

Luke 9:19

Dehn ansa, “Som seh yu dah John di Baptist, ahn som seh yu dah Elijah, ahn som ada wan deh seh yu dah wan a di ada uol taim prafit fahn lang-lang taim weh kom bak tu laif.”

John 1:41

Di fos ting weh ihn gaan du, dah fain Simon ahn ihn tel im seh, “Bwai, wii fain di Mesaya yu nuo!” (Now Mesaya miin “Christ.”)

John 1:49

Nathaniel tel Jesus, “Rabbi, yuu dah God Son fi chruut. Yuu dah di King a Israel!”

John 11:27

Martha ansa seh, “Yees Laad! Ah wehn aalwiez biliiv seh yuu dah God Son, weh dah di Christ weh God sen tu di worl.”

John 20:31

Demya tingz weh Ah wehn rait dong dehso, Ah du'ih fi unu biliiv seh Jesus dah di Christ, God Son; ahn fi, wen unu biliiv, unu kyan get riil laif iina fi him niem.

John 4:29

“Kom, kom si wan man weh tel mi evryting Ah eva du! Unu no tink seh dah him dah di Christ?”

John 4:42

Dehn tel di uman seh, “Dah no ongl chruu weh yuu deh tel wi, mek wi biliiv; bot bikaaz wi wehn hier im fi wiself tu, wii nuo seh dah him dah di Wan weh gwain siev di worl fi chruut.”

John 7:41

Ahn som a dem seh, “Dis man dah di Christ!” Bot som a dem aks, “Di Christ kyaahn kom fahn Galilee, no chruut?

Acts 17:3

ahn shuo dem pruuf seh di Mesaya wehn hafy sofa plenty, ahn den ih wehn gwain riez bak op fahn di ded. “Dis Jesus weh Ah deh taak bout dah di Mesaya, fi chruut!” Paul tel dem.

Acts 8:36

Wail dehn wende travl dong di ruod, dehn si som waata pahn di wie ahn di ofishal seh, “Luk, waata deh uova deh! Wai yuu kyaahn baptaiz mi now?”

Acts 9:22

Wid aala dis, Saul priichin get muo ahn muo powaful. Ihn pruuv tu di Jew dem dah Damascus seh Jesus dah di Mesaya weh God wehn pramis fi sen, ahn aal dehn kuda du dah shet dehn mout.

1 John 5:1

Evrybady weh biliiv seh Jesus dah di Christ, dah God pikniny, ahn evrybady weh lov di Faada gwain lov ihn pikniny dem tu.