Luke 9:12 - The New Testament in Islander Creole

¹² Wen ih staat get liet, Jesus twelve apasl dem kom tu im ahn seh, “Sen weh di pipl dem, fi dehn kyan go dah di toun ahn faam dem weh deh nier bout yahso, weh dehn kyan fain fuud ahn somweh fi stie; bikaaz nonbady no liv iina disa plies.”

Luke 9:12 Iomraidhean Croise

Matthew 14:13

Wen Jesus hier dis, ihn gaan fahn daty toun iina wan buot dah wan plies weh nonbady neva deh, so ihn kuda deh bai imself. Bot di kroud fain out upaa ihn wende, ahn dehn fala im pan fut fahn aal bout.

Matthew 15:23

Bot Jesus neva ansa im ataal. Den Jesus disaipl dehn kom ahn kiip deh tel im seh, “Sen im fahn yahso, bikaaz aal ihn deh du dah baal wi dong.”

Matthew 15:32

Den Jesus kaal ihn disaipl dem ahn tel dem, “Ah fiil sary fi dehn pipl, bikaaz dehn wende wid mi three diez now, ahn dehn no gat notn fi iit. Ah no waahn sen dem bak huom hongry, main dehn drap dong lang di ruod.”

Luke 9:11

Bot di kroud fain out weh paat ihn gaan, ahn dehn fala im. Wen dehn get dehso, Jesus risiiv dem ahn staat tiich dem bout God Kingdom, ahn ihn kyuor demde weh wehn sik.

Luke 9:13

Bot Jesus tel dem, “Unu gi dem somting fi iit no.” “Wid wat?” dehn aks im, “Aal wi gat dah five bred ahn two fish! If wi gwain fiid dis paila pipl, wi hafy go bai muo fuud.”

John 6:1

Afta dat, Jesus gaan dah di neks saida Galilee liek weh som pipl kaal Tiberias Sii.

Philippians 1:19

bikaaz Ah nuo seh unu deh prie fi mi ahn di Spirit a Jesus Christ deh help mi. So aala dis gwain ton out fi frii mi wan a demya die.