Luke 9:11 - The New Testament in Islander Creole

¹¹ Bot di kroud fain out weh paat ihn gaan, ahn dehn fala im. Wen dehn get dehso, Jesus risiiv dem ahn staat tiich dem bout God Kingdom, ahn ihn kyuor demde weh wehn sik.

Luke 9:11 Iomraidhean Croise

Matthew 12:15

Wen Jesus get fi nuo bout dehn plan, ihn gaan fahn dehso, ahn wan paila pipl fala im. Jesus kyuor aala dem weh sik,

Matthew 14:14

Wen Jesus get outa di buot, ihn si wan huol paila pipl ahn ihn get sary fi dem, so ihn kyuor aala dem weh wehn sik.

Matthew 21:31

So Ah aks unu: Wish wan outa di two son du weh dehn pupa wehn waahn?” Dehn ansa, “Di fos wan.” Den Jesus seh tu dem, “Ah deh tel unu di chruut: di taks kalekta ahn di ruod gyal dem gwain get iina God Kingdom hed a unu.

Matthew 21:43

Das wai Ah deh tel unu seh God Kingdom gwain get tek weh fahn unu; ahn di pipl dem, weh deh du weh di Laad seh, gwain get'ih.

Luke 1:53

Ihn gi di hongry plenty gud ting, bot ihn sen weh di rich pipl dem bitout notn.

Luke 5:31

Wen Jesus hier dis, ihn tel dem, “Dah huu weh sik dah huu niid di dakta; ahn no demde weh tink seh dehn helty.

Luke 8:1

Afta dis, Jesus gaan fahn wan sity ahn toun tu wan nada wan deh priich di gud nyuuz bout God Kingdom. Him ahn di twelve disaipl dem wehn gaan tugeda,

Luke 8:10

Ihn seh, “Ah deh tel unu som tingz bout God Kingdom weh nonbady neva andastan op til now. Bot fi di ada pipl dem, dehn gwain stil hier'ih iina parabl, bikaaz: ‘Dehn gwain luk, ahn no si notn; ahn dehn gwain hier, ahn no andastan notn.’

Luke 9:10

Aftawod, wen di twelve apasl, weh Jesus wehn sen out kom bak, dehn tel im bout how evryting weh dehn wehn du wehn gaan aan. So Jesus disaid fi go weh fram di pipl dem, ahn dehn gaan dah wan toun weh niem Bethsaida, gaan get som res.

Luke 9:12

Wen ih staat get liet, Jesus twelve apasl dem kom tu im ahn seh, “Sen weh di pipl dem, fi dehn kyan go dah di toun ahn faam dem weh deh nier bout yahso, weh dehn kyan fain fuud ahn somweh fi stie; bikaaz nonbady no liv iina disa plies.”

Luke 9:2

Den ihn sen dem out, gaan tel evrybady bout God Kingdom ahn kyuor di sik pipl dem.

John 4:34

Jesus seh, “Wen Ah deh du weh God waahn mi fi du, dah jos laik fuud fi mii. Dah him dah di Wan weh sen mii, ahn Ah hafy don du weh ihn sen mi kom du.

John 6:37

Aala dem weh di Faada gi mi gwain kom tu mi; ahn enybady weh kom tu mi, Ah no gwain ton dem weh nontaim.

Acts 28:31

Ihn priich bout God Kingdom ahn tiich bout di Laad Jesus Christ tu aala dem weh waahn hier, bitout nonbady fi du notn gens im ataal.

Romans 10:14

Bot how di pipl dem gwain kaal pahn di Laad, if dehn no chros iina him? Ahn how dehn gwain chros iina him, if dehn neva hier bout im? Ahn how dehn gwain hier bout im, if nonbady neva gaan tel dem bout im?

Romans 10:17

So den, dah ongl sieka wat di pipl dehn hier bout Christ, dehn gwain kyan kom fi chros iina him; ahn weh dehn hier, kom sieka sombady deh priich Christ tu dem!

Romans 15:3

Iivn di Laad Jesus neva du aal weh ihn du, jos fi pliiz ihnself. Ahn dat hapm siem laik how ih rait dong iina di Skriptyo weh ih seh, “Wen di pipl insolt unu, demde du di siem tu mii tu.”

Hebrews 4:16

Ahn, bikaaz di Laad dah wan weh ongl kain tu wi ahn mek wi no fried fi kom fronta ihn chruon, rait dehso wi kyan get morsy fahn him, ahn fain gries fi help wi wen wi niid ih!