Luke 9:10 - The New Testament in Islander Creole

¹⁰ Aftawod, wen di twelve apasl, weh Jesus wehn sen out kom bak, dehn tel im bout how evryting weh dehn wehn du wehn gaan aan. So Jesus disaid fi go weh fram di pipl dem, ahn dehn gaan dah wan toun weh niem Bethsaida, gaan get som res.

Luke 9:10 Iomraidhean Croise

Matthew 11:21

“Main, unu pipl fahn Chorazin ahn Bethsaida, bikaaz if dehn wikid pipl fahn Tyre ahn Sidon wuda wehn si di mirakl dem weh unu deh si, dehn wuda ripent fahn lang taim fahn dehn sin. Dehn wuda dres iina krokos bag, ahn chruo ashis pahn dehn hed fi shuo how sary dehn sary.

Mark 2:7

“Dah weh du disa man weh taak laik so; ihn tink seh him dah God iikwal? Huu kyan fargiv sin; dah no God aluon?”

Luke 10:17

Wen di seventy-two disaipl dem kom bak, dehn wehn glad, ahn dehn seh, “Laad, dongtu di bad spirit dem obie wi, wen wi kaal yo niem!”

John 1:44

Now Philip wehn kom fahn Bethsaida weh dah di siem sity weh paat Andrew ahn Peter dem kom fram.

Hebrews 13:17

Ahn obie demde pipl weh deh uova unu —put unuself aanda dehn aada. Bikaaz, dah dem weh deh wach uova unu suol, ahn lietaraan dehn hafy gi akount tu God! So, no mek dem fiil sad, az dehn deh du dehn work, bot mek dem hapy fi du'ih! If unu no du dat, demde pipl gwain kyaahn help unu nontaim.