Luke 8:8 - The New Testament in Islander Creole

⁸ Ahn som a di ada siid drap pan gud grong. Ahn di siid dem sprout op ahn gruo strang ahn bier plenty fruut; som a di trii dehn wehn gat aan one hundred taim muo an weh ihn wehn plaant!” Afta Jesus don seh dis, ihn baal out seh, “Unu stap unu haad iez, ahn unu hier weh Ah deh seh!”

Luke 8:8 Iomraidhean Croise

Matthew 11:15

So, unu stap unu haad iez, ahn unu hier weh Ah deh seh!

Matthew 13:23

Bot laik di siid weh drap pan gud grong, dis ada man dah di wan weh hier di mesij ahn andastan weh ih miin. Den ihn put'ih iina praktis, ahn bring op gud tingz aal di taim. Laik di trii weh bier fruut one hundred taim, sixty taim or thirty taim, evrybady weh du laik him gwain du beta ahn beta aal di taim.”

Mark 4:20

Som taim, laik di siid weh drap pan gud grong demya ada pipl dah di wan dem weh hier di mesij ahn aksep ih, ahn put'ih iina praktis, ahn bring op gud tingz aal di taim, laik di trii weh bier fruut thirty taim, sixty taim, ahn one hundred taim, dehn gwain deh du beta ahn beta aal di taim.”

Mark 4:23

So, unu stap unu haad iez, ahn unu hier weh Ah deh seh!”

Mark 4:8

Ahn som ada siid drap pan gud grong. Ahn di siid dem sprout op ahn gruo strang ahn bier plenty fruut; som a di trii dem wehn gat aan thirty; som a dem wehn gat aan sixty; ahn som a dem wehn gat aan one hundred muo an weh ihn wehn plaant!”

Mark 7:16

Ahn ihn kantinyo ahn seh, “Unu stap unu haad iez, ahn unu hier weh Ah deh seh!”

Luke 14:35

Saalt weh no gat non ties, no gud fi notn; ih no gud fi di grong nar fi di hiip a manyuor. So, dehn jos chruo'ih weh!” Den Jesus seh tu dem, “Unu stap unu haad iez, ahn unu hier weh Ah deh seh.”

Luke 8:15

Ahn di siid weh faal pahn gud grong, dah laik dem weh hier di mesij ahn kiip'ih iina dehn haat ahn du aal weh God seh. Ahn den dehn kiip aan deh du gud tingz, no mata wat.”

Luke 8:7

Ahn som a di ada siid drap mongs di prikl, ahn dehn gruo tugeda wid di plaant dem, ahn dehn chuok dem.

Ephesians 2:10

Memba seh: God dah wehn di Wan weh wehn mek wi; ahn ihn mek wi wan wid Christ Jesus fi du gud tingz. Ahn him don plan fi wi du dehn gud tingz iina ihn main fahn lang-lang taim abak!

Colossians 1:10

Den, unu gwain kyan liv iina wan wie weh ana di Laad, ahn du aal demde tingz weh gwain pliiz im. Unu gwain waahn du demde tingz weh gud ahn kain tu ada pipl. Ahn iina dis wie, unu gwain gruo fi nuo God muo ahn muo evry die.

Revelation 13:9

Now den, lisn'op ahn andastan dis, if unu gat iez fi hier:

Revelation 2:11

So, if unu gat iez fi hier, den hier weh God Spirit deh tel di chorch dem: Dem weh no gi'op, no gwain sofa di sekant det.

Revelation 2:7

So, him weh gat iez fi hier, beta hier weh God Spirit deh tel di chorch dem: Dem weh no gi'op, Ah gwain mek dehn iit fahn di Trii a Laif, weh deh iina God gyaadn!

Revelation 3:13

So, if unu gat iez fi hier, den hier weh God Spirit deh tel di chorch dem!

Revelation 3:6

So, if unu gat iez fi hier, den hier weh God Spirit deh tel di chorch dem!