Luke 8:39 - The New Testament in Islander Creole

³⁹ “No, beta yo go bak huom ahn tel evrybady aal di gud tingz weh di Laad du fi yu.” So di man gaan ahn waak chruu di houl toun ahn tel aal di pipl dem bout weh Jesus wehn du fi him.

Luke 8:39 Iomraidhean Croise

Mark 1:45

Bot di man gaan ahn tel evrybady weh ihn miit lang di ruod bout weh Jesus du! So, Jesus kudn kom nier di toun dem ahn mek di pipl dem si'im, bot ihn stan out weh paat nonbady neva deh liv. Bot di pipl dem fahn aal bout di plies stil gaan weh ihn wende, aal di siem.

Mark 5:18

So Jesus get bak iina di buot fi go. Den, di man, weh Jesus tek di bad spirit outa, beg im fi ker im wid im.

Mark 5:19

Bot Jesus tel im, “Nuo, beta yo go bak huom ahn tel yo fren dem aal di gud tingz di Laad du fi yo, ahn how di Laad wehn gat morsy pan yu.”

Luke 8:38

Bot di man weh wehn get frii fahn di bad spirit dem, beg fi go wid Jesus, deh seh, “Mek Ah go wid yo no!” Bot Jesus sen im weh, ahn seh,

Luke 8:40

Den, Jesus kraas bak uova di ada saida di liek, ahn wan paila pipl wehn dedeh, deh wiet pahn im fi welkom im.

John 4:29

“Kom, kom si wan man weh tel mi evryting Ah eva du! Unu no tink seh dah him dah di Christ?”

1 Timothy 5:8

Evrybady fi tek kier a dehn uon relativ dem —speshaly demya pipl weh deh iina dehn uon famaly. Bot, if dehn no du dat, den demya pipl weh seh dehn biliiv iina God, no miin notn ataal. Dehn wosa an dem weh no chros iina Christ iina di fos plies!