Luke 8:21 - The New Testament in Islander Creole

²¹ Bot Jesus ansa dem ahn seh, “Mi muma ahn mi breda dah di pipl dem weh hier God mesij ahn obie ih.”

Luke 8:21 Iomraidhean Croise

Matthew 17:5

Ihn stil wende taak, wen siem taim wan brait kloud apier'op uova dem ahn ih kova dem. Ahn wan vais kom outa di kloud ahn seh, “Dis dah mi Son weh Ah lov. Ah so proud a im. Hier weh ihn gat fi seh!”

Matthew 25:40

Den di king gwain ansa dem seh, ‘Ah deh tel unu di chruut: wen unu help dem weh wehn dah fi mi, dongtu dem wehn dah di liis mongs unu, dat dah jos laik if unu wende help mii.’

Matthew 25:45

Den ihn gwain seh tu dem, ‘Ah deh tel unu di chruut: di siem wie how unu neva du'ih fi dem weh wehn niid help, unu neva du'ih fi mii niida.’

Matthew 28:10

Ahn Jesus seh tu dem, “Unu stap fried! Golang ahn tel mi breda dem fi go out tu Galilee lan, ahn dehn gwain si mi deh.”

Luke 8:15

Ahn di siid weh faal pahn gud grong, dah laik dem weh hier di mesij ahn kiip'ih iina dehn haat ahn du aal weh God seh. Ahn den dehn kiip aan deh du gud tingz, no mata wat.”

Luke 8:20

Sombady tel Jesus seh, “Tiicha, yo muma ahn yo breda dem deh outa duo, ahn dehn waahn si yo.”

John 13:17

So, blesin gwain kom tu unu if unu nuo demya tingz ahn du dem.

John 20:17

Jesus tel im, “Mary, stap deh huol aan pahn mi, bikaaz Ah no gaan op tu di Faada yet. Bot go dah mi breda dem ahn tel dem seh, ‘Ah gwain op dah mi Faada, weh dah fi unu Faada tu; Ah gwain dah mi God, weh dah fi unu God tu.’ ”

2 Corinthians 5:16

So now, bredrin, wi no joj nonbady laik how pipl weh dah no biliiva, wuda joj dem. Ahn iivn duo wi yuuztu joj Christ laik dat, wi no du dat agen.

2 Corinthians 6:18

“Ai gwain bii fi unu Faada, ahn unu gwain bii mi son ahn mi daata dem!” Dat dah weh di Laad Aalmaity seh.

James 1:22

Main, unu no fuul'op unuself, ahn jos lisn tu God Wod. Unu hafy du weh ih seh unu fi du tu!

1 John 2:29

Ahn unu nuo seh Christ aalwiez du weh rait, so evrybady weh du weh rait, dah wan a God pikniny, fi chruut.

3 John 1:11

So, mi gud fren, yuu no fi fala di bad tingz —ongl fala di tingz dem weh gud. Memba seh: enybady weh du gud, dah fi God. Bot enybady weh du bad, neva si God yet!