Luke 8:18 - The New Testament in Islander Creole

¹⁸ “Tek kier how unu lisn: di man weh hier ahn biliiv dis mesij, ihn gwain andastan muo, bot di man weh hier ahn no biliiv, dongtu di likl weh ihn tink ihn gat, God gwain tek weh fahn im.”

Luke 8:18 Iomraidhean Croise

Matthew 13:12

Bikaaz di man weh hier ahn biliiv dis mesij, ihn gwain andastan muo ahn muo; bot di man weh hier ahn no biliiv, dongtu di likl bit weh ihn hier, God gwain tek weh fahn im.

Matthew 25:29

bikaaz enybady weh gat somting, gwain get muo; ihn gwain get muo an weh ihn niid! Bot di man weh no gat notn, dongtu di likl bit weh ihn gat, ihn gwain luuz ih.

Mark 13:14

“Ahn unu gwain si di Uova Teribl Ting deh stan op iina di Holy Plies weh ih no bilang. So wen unu si dis hapm —mek di wan weh deh riid dis leta andastan dis— aala dem weh liv dah Judea lan fi hory, go'op pan di mountin dem.

Luke 19:26

Den ihn seh, ‘Ah tel unu seh, enybady weh gat somting gwain get muo, bot di man weh no gat notn, dongtu di likl bit weh ihn gat, ihn gwain luuz ih.

Luke 9:44

“Lisn gud pan weh Ah deh tel unu: di Son a Man gwain get sel out tu di pipl weh hiet im.”

John 15:2

Evry lim weh jain aan tu mi ahn no deh bier fruut, him chap aaf, bot aala dem weh bier, ihn trim dem uova kliin so dehn kyan bier muo fruut.

Acts 10:33

So Ah mikies sen fi yo, ahn yu so kain fi kom. Now aala wi deh rait yah iina God sait fi hier weh God gi'yo fi tel wi.”

Acts 17:11

Now dah Berea di pipl dem wehn muo wilin fi lisn, no laik di wan dem dah Thessalonica. Dehn wehn iiga fi hier di mesij, ahn evry die dehn stody di Skriptyo fi si if weh Paul seh dah chruut.

Romans 12:3

Az fi mii, sieka di gries weh God wehn gi mi, Ah deh tel evry wan a unu seh unu no fi get swel-hed ahn tink seh unu dah somting. Insida dat, unu fi bii sensabl wen unu tink bout unuself. Iich wan a unu shuda joj unuself akaadn tu ho moch fiet God gi unu fi chros im.

1 Corinthians 14:37

So den, enybady weh tink seh ihn dah God mesinja or tink seh ihn gat wan spiritwal gif, ihn hafy riiyalaiz seh weh Ai deh rait tu unu dah wan komaan fahn God ihnself.

1 Corinthians 3:18

No mek non a unu fuul'op unuself! If eny a unu tink seh unu waiz akaadn tu di pipl dem iina disya worl, beta unu ton laik wan fuul ahn put-weh unu uon wizdom, so dat unu kyan ton wan waiz man iina God wizdom.

1 Corinthians 8:2

If sombady tink seh him dah wan man weh nuo fi chruut, ih kuda bii seh di man stil yet no nuo aal weh ihn shuda nuo!

Philippians 3:4

—iivn duo Ai gat nof riizn fi fiil proud bout miself. Bikaaz, if enybady tink seh dehn gat riizn fi tek praid iina demself, Ai gat plenty muo:

Hebrews 2:1

So dat dah wai wi hafy pie plenty atenshan tu aal di tingz weh wi wehn hier aredy —aal demde tingz weh dah chruu— so wi no get fi drif-weh fahn dem.