Luke 8:16 - The New Testament in Islander Creole

¹⁶ Den Jesus kantinyo deh seh, “Nonbady no gwain lait wan lamp ahn den kova ih op, nar put'ih aanda wan bed. Insida dat dehn gwain put'ih op pan wan stan so evrybady kyan si di lait wen dehn kom iin.

Luke 8:16 Iomraidhean Croise

Luke 11:33

“Nonbady no gwain lait wan lamp ahn den put'ih aanda wan baaskit or somweh els weh paat nonbady kyaahn si'ih. Insida dat dehn gwain put'ih op pan wan stan weh evrybady kyan si di lait wen dehn kom iin.

Luke 8:15

Ahn di siid weh faal pahn gud grong, dah laik dem weh hier di mesij ahn kiip'ih iina dehn haat ahn du aal weh God seh. Ahn den dehn kiip aan deh du gud tingz, no mata wat.”

Acts 26:18

Ah waahn yu fi uopm dehn ai ahn ton dem roun fahn di daaknis, weh dehn deh iina, tu di lait; ahn fahn Satan powa tu God. So chruu dehn fiet iina mi, dehn gwain get fargivnis fi dehn sin ahn dehn gwain gat wan plies mongs di pipl weh God wehn pik out fi ihn uon.’

Revelation 1:20

Ah kom fi tel yo weh di seven staar dem weh Ah deh huol iina mi rait han, ahn di seven guol lampstan miin: Di seven staar dah di ienjel dem iina di seven chorch dem. Ahn di seven lampstan dah di seven chorch dem.”

Revelation 11:4

Demya two wiknis dah laik di two aliv trii ahn di two lampstan dem weh deh stan fronta di Laad, weh deh ruul uova aal di worl.