Luke 8:13 - The New Testament in Islander Creole

¹³ Di siid dem weh drap pan raky grong dah laik di pipl dem weh hier di mesij ahn get glad. Bot laik di ruut fi demya trii, di mesij weh dehn hier no go diip iina dem. So, dehn no laas lang, ahn wen di taim fi tes kom, dehn gi'op.

Luke 8:13 Iomraidhean Croise

Luke 8:12

Di siid dem weh drap pan di trak ruod dah laik dem weh hier. Bot di devl kom faas laik wan bord ahn tek weh di mesij fahn dehn haat, so ihn wi henda dem fahn biliiv ahn get siev.

Luke 8:14

Di siid weh drap mongs di prikl dah laik dem weh hier, bot az dehn go pahn dehn wie, di woriz, richiz ahn plezha fahn dis laif wi pail op ahn chuok dem, ahn dehn no gwain ton tu notn gud.

John 15:2

Evry lim weh jain aan tu mi ahn no deh bier fruut, him chap aaf, bot aala dem weh bier, ihn trim dem uova kliin so dehn kyan bier muo fruut.

John 15:6

Enybady weh no stie jain aan tu mii gwain bii jos laik dem lim weh dehn chruo weh ahn den drai op. Lim laik demde jos gud fi mek pipl gyada op ahn bon iina faiya.

John 5:35

Unu si, John dah wehn laik wan lamp weh wende shain brait iina unu haat, ahn weh ihn wehn tel unu, mek unu rijais fi wan likl wail.

1 Corinthians 13:2

Ahn, if Ah kuda prafisai ahn andastan aal di siikrit tingz fahn God ahn nuo evryting weh deh fi nuo; ahn, if Ai wehn gat fiet weh kuda muuv di mountin dem —bot Ai no gat lov fi nonbady— Ai dah no notn ataal!

1 Corinthians 15:2

Ahn dah sieka dat siem mesij, unu deh get siev, if unu huol aan tu it gud —onles unu wehn biliiv fi notn!

Galatians 3:1

Unu Galatian pipl, unu stupid, ay! Sombady mosy uobya unu! Lang taim abak, Ah don shuo unu klier-klier, jos laik wan pitya, egzakly wat Jesus wehn du fi unu, wen ihn ded pahn di kraas.

Galatians 3:4

So, aal demya tingz weh unu don ekspiriens, no miin notn tu unu now? Bredrin, dehn mosy miin somting tu unu!

Ephesians 3:17

Ahn Ah deh prie tu seh, dat az unu deh chros iina Christ, ihn gwain set op ihn huom iina unu haat; so dat wateva unu du, unu wi du'ih sieka unu lov fi him;

Colossians 1:23

Bot unu hafy kiip aan deh chros ahn stie strang iina unu fiet, ahn unu no fi mek nonbady mek unu get fried iina di huop weh unu wehn get wen unu wehn fos hier di Gud Nyuuz. Dis dah di Gud Nyuuz weh wehn priich tu evrybady iina di worl. Ahn mii, Paul, deh work fi priich dat Gud Nyuuz tu!

Colossians 2:7

Unu fi mek unu ruut dem go diip dong iina Christ, so dat him fi bii di foundieshan fi unu laif! Den, unu gwain gruo muo stranga iina unu fiet, ahn muo stranga iina di chruut weh dehn wehn tiich unu. Den, unu laif gwain ful'op a tanks fi aal weh ihn du fi unu.

1 Thessalonians 3:5

Dat dah wai, wen Ah kudn tek'ih no muo, Ah wehn sen Timothy fi fain out if unu stil yet gat fiet iina God. Ah wende huop seh Satan —di wan weh laik temp pipl— neva kom temp unu tu di paint fi mek aal di work weh wi wehn put iina unu gaan tu notn!

1 Timothy 1:19

Yuu fi chros iina God ahn du weh yu nuo dah di rait ting fi du. Som pipl don ton weh fahn weh dehn nuo fi bii rait, ahn bikaaz a dat, dehn don mes'op dehn fiet iina Christ.

Hebrews 10:39

Bot, bredrin, wii dah no pipl weh deh ton bak ahn den get distrai. Wii dah di Laad pipl weh deh chros God, so him gwain siev wi fi chruut!

James 2:26

So jos laik how unu bady ded, if ih no gat di spirit iina ih, rait so fiet bitout akshan ded tu!

2 Peter 2:20

Bot, if som pipl kom fi nuo bout fi wi Laad ahn Sievya Jesus Christ, ahn so eskiep fahn dehn wikid wie weh deh distrai pipl iina disa worl, ahn den aftawod ton bak ahn go liv dah kain a bad laif agen, den dehn laif gwain ton muo wosa an how ih wehn yuuztu bii at fos!

2 Peter 2:22

Weh hapm tu dem pruuv seh, di seyin dem dah chruut weh seh: “Wan daag gwain go bak tu ihn uon vamit ahn lik'ih op.” Ahn, “Wan pig weh yo wash, gwain go bak ahn ruol iina di mod agen!”

1 John 2:19

Demde kain a pipl weh dah Christ enimy dehn gaan fahn mongs wi, bikaaz dehn dah neva wan a wii. If dehn dah wehn wan a wi, dehn wuda wehn stie wid wi. Ahn, bikaaz dehn gaan fahn mongs wi, dat shuo seh dehn dah neva wan a wii.

Jude 1:12

Ahn sieka demde shiemful ahn selfish tingz weh dehn deh du, demde kain a pipl dah laik som doty stien weh spail'op di taim weh unu gat —dah taim wen unu kom tugeda fi iit wid wan anada. Dehn drink ahn laaf til dehn dronk! Dehn dah laik shepad weh fiid ongl demself, insida tek kier a dehn shiip! Demde kain a pipl dah laik dehn kloud weh di briiz bluo uova drai lan, bot no bring non rien ataal. Dem dah laik dehn trii weh no bier notn, nat iivn wen dah taim kom fi pik fruut. Demde pipl, dehn ded two taim bikaaz dehn don dig out fahn dehn ruut!