Luke 7:17 - The New Testament in Islander Creole

¹⁷ Ahn dis nyuuz bout Jesus spred aal uova Judea lan ahn aal di plies dem roun dehso.

Luke 7:17 Iomraidhean Croise

Matthew 2:1

Lietaraan afta Jesus wehn baan iina Bethlehem di siem taim wen King Herod yuuztu ruul deh, som waiz man fahn di iis weh stody di staar dem wehn kom tu Jerusalem deh seh,

Matthew 4:24

So di nyuuz bout im spred aal uova Syria lan, ahn di pipl dehn ker aala di sik wan dem: dem weh wende sofa wid aal kain a diziiz ahn pien, ahn dem weh wehn gat iin bad spirit, dongtu dem weh wehn trobl wid fits, ahn dem weh kyaahn muuv ataal. Ahn Jesus kyuor aala dem.

Matthew 9:26

Ahn di nyuuz bout weh Jesus wehn du get spred out uova di huol lan.

Matthew 9:31

Bot dehn gaan ahn spred out di nyuuz bout Jesus uova daty huol lan.

Mark 1:28

So di nyuuz bout Jesus, ahn weh ihn du, spred aal uova evry paat a Galilee lan.

Mark 6:14

Now King Herod get fi hier bout Jesus bikaaz evrybady wende taak bout im. Som pipl wende seh, “Dah John di Baptist weh kom bak tu laif; das wai ihn gat aal demde powa fi du aal demde mirakl.”

Luke 4:14

Den Jesus gaan bak dah Galilee lan ful'op wid di powa a di Holy Spirit, ahn di nyuuz bout im spred chruu di huol kontry-said.

Luke 7:14

So, Jesus gaan op ahn toch di strecha, ahn di man dem weh wende ker di bady stap. Jesus seh, “Yong man, Ah tel yo, get'op!”