Luke 7:14 - The New Testament in Islander Creole

¹⁴ So, Jesus gaan op ahn toch di strecha, ahn di man dem weh wende ker di bady stap. Jesus seh, “Yong man, Ah tel yo, get'op!”

Luke 7:14 Iomraidhean Croise

Mark 5:41

Jesus tek di likl gyal han ahn seh, “Talitha koum,” weh miin, “Likl gyal, get'op!”

Luke 7:13

Ahn wen di Laad si di wido, ih toch ihn haat siem taim. Den ihn seh tu im, “No hala.”

Luke 7:15

Siem taim di ded man get'op ahn staat taak; ahn Jesus gi'im bak tu ihn muma!

Luke 7:17

Ahn dis nyuuz bout Jesus spred aal uova Judea lan ahn aal di plies dem roun dehso.

John 11:25

Jesus tel im, “Dah mii dah di Rezorekshan ahn di Laif, di Wan weh riez'op pipl ahn mek dem liv agen. Enybady weh chros iina mii —iivn if ihn ded— ihn stil gwain liv;

John 5:21

Yees, jos laik how di Faada riez pipl op fahn di ded ahn mek dem liv agen, siem wie di Son gi laif tu enybady weh him waahn.

John 5:25

“Ah deh tel unu di chruut: di taim deh kom —or ih don kom aredy— wen dem weh ded gwain hier di vais a di Son a God; ahn aala dem weh hier'ih, gwain liv.

Romans 4:17

Dah jos laik weh di Skriptyo seh bout Abraham: “Ah gwain mek yu bii di pupa a plenty nieshan.” So den, iina God sait Abraham dah fi wi pupa, ahn di Aalmaity dah di wan weh Abraham wehn chros iina —di siem Wan weh mek pipl weh don ded kom bak tu laif agen, ahn di Wan weh jos seh di wod ahn demya tingz weh neva deh iina di worl aalava sodn dehn dedeh tu!

Ephesians 5:12

Fi tel unu di chruut, bredrin, dah wan shiem fi iivn taak bout di tingz dem weh demde kain a pipl du iina siikrit.