Luke 6:49 - The New Testament in Islander Creole

⁴⁹ Bot enybady, weh hier weh Ah deh seh ahn no pie mi non main, dah jos laik wan neks man weh bil ihn hous pan di grong bitout gud foundieshan. So wen di flod kom ahn ih hit pan ihn hous, ih faal dong ahn mash'op iina piisiz!”

Luke 6:49 Iomraidhean Croise

Matthew 23:3

So du enyting weh dehn tel unu fi du, bot unu no fi fala dehn egzampl, bikaaz dem no du wat dehn seh dehn fi du.

Matthew 24:10

Den, plenty pipl gwain stap fala mi ahn dehn gwain bad-diil wan anada ahn hiet'op wan anada tu.

Mark 4:17

Bot laik di ruut fi demya trii, di mesij weh dehn hier no go diip iina dem. So dehn no laas lang, ahn wen trobl kom, or wen pipl waahn fuos dem fi stap biliiv di mesij, dehn gi'op kwik.

Luke 12:47

“Di sorvant weh nuo weh ihn maasta wehn waahn im fi du, ahn ihn no du'ih, gwain get plenty biitn.

Luke 19:14

Bot ihn uon pipl wehn hiet im, so dehn sen som pipl wid wan mesij tu di kontry weh ihn wehn gwain, weh seh: ‘Wi no waahn dis man fi bii wi king!’

Luke 19:27

Bot aala dem weh neva laik mi, ahn neva waahn mi fi bii king fi ruul dem, bring dem rait yahso ahn kil dem fronta mi.’ ”

Luke 6:46

“Wai unu deh kaal mi, ‘Laad, Laad,’ wen unu no deh du weh Ah tel unu fi du?

Luke 6:48

Ihn jos laik wan man weh bil ihn hous, ahn ihn wehn dig diip dong, so ihn kuda put di foundieshan pan rak. So, wen di flod kom ahn di riva riez ahn hit pan ihn hous, ih stan op strang, bikaaz ih wehn bil gud pan di rak.

Luke 7:1

Wen Jesus don seh aal weh ihn wehn gat fi seh, ahn di pipl dem hier im, ihn gaan dah Capernaum.

John 15:2

Evry lim weh jain aan tu mi ahn no deh bier fruut, him chap aaf, bot aala dem weh bier, ihn trim dem uova kliin so dehn kyan bier muo fruut.

Acts 20:29

Ah nuo seh, az suun az Ah gaan, di faals tiicha dem gwain kom iin laik wail wulf fi distrai unu fiet.

Acts 26:11

Ahn plenty taim dah mii, yuuztu mek dem get ponish iina di sinigag fi get dem fi kors Christ. Ai wehn so beks Ah wuda dongtu go dah farin sity fi gi dem som haad taim.

1 Thessalonians 3:5

Dat dah wai, wen Ah kudn tek'ih no muo, Ah wehn sen Timothy fi fain out if unu stil yet gat fiet iina God. Ah wende huop seh Satan —di wan weh laik temp pipl— neva kom temp unu tu di paint fi mek aal di work weh wi wehn put iina unu gaan tu notn!

2 Peter 2:20

Bot, if som pipl kom fi nuo bout fi wi Laad ahn Sievya Jesus Christ, ahn so eskiep fahn dehn wikid wie weh deh distrai pipl iina disa worl, ahn den aftawod ton bak ahn go liv dah kain a bad laif agen, den dehn laif gwain ton muo wosa an how ih wehn yuuztu bii at fos!

1 John 2:19

Demde kain a pipl weh dah Christ enimy dehn gaan fahn mongs wi, bikaaz dehn dah neva wan a wii. If dehn dah wehn wan a wi, dehn wuda wehn stie wid wi. Ahn, bikaaz dehn gaan fahn mongs wi, dat shuo seh dehn dah neva wan a wii.