Luke 6:47 - The New Testament in Islander Creole

⁴⁷ Mek Ah tel unu how wan porsn hafy bii laik, weh kom tu mi: ihn hier weh Ah tiich im, ahn den ihn obie.

Luke 6:47 Iomraidhean Croise

Matthew 12:50

Bikaaz enybady weh du weh mi Faada iina hevn seh ihn fi du, dah mi breda, mi sista ahn mi muma.”

Matthew 17:5

Ihn stil wende taak, wen siem taim wan brait kloud apier'op uova dem ahn ih kova dem. Ahn wan vais kom outa di kloud ahn seh, “Dis dah mi Son weh Ah lov. Ah so proud a im. Hier weh ihn gat fi seh!”

Luke 11:28

Bot Jesus ansa ahn seh, “Bot beta fi dem weh hapy deh hier God Wod, ahn obie ih!”

Luke 14:26

“If enywan a unu kom tu mi, ahn no lov mi muo an how unu lov unu pupa ahn muma, waif ahn pikniny, breda ahn sista, dongtu unu uon laif, unu kyaahn bii mai disaipl.

Luke 6:48

Ihn jos laik wan man weh bil ihn hous, ahn ihn wehn dig diip dong, so ihn kuda put di foundieshan pan rak. So, wen di flod kom ahn di riva riez ahn hit pan ihn hous, ih stan op strang, bikaaz ih wehn bil gud pan di rak.

Luke 8:13

Di siid dem weh drap pan raky grong dah laik di pipl dem weh hier di mesij ahn get glad. Bot laik di ruut fi demya trii, di mesij weh dehn hier no go diip iina dem. So, dehn no laas lang, ahn wen di taim fi tes kom, dehn gi'op.

Luke 8:8

Ahn som a di ada siid drap pan gud grong. Ahn di siid dem sprout op ahn gruo strang ahn bier plenty fruut; som a di trii dehn wehn gat aan one hundred taim muo an weh ihn wehn plaant!” Afta Jesus don seh dis, ihn baal out seh, “Unu stap unu haad iez, ahn unu hier weh Ah deh seh!”

John 10:27

Mi shiip dem hier mi vais; Ah nuo dem, ahn dehn fala mii.

John 13:17

So, blesin gwain kom tu unu if unu nuo demya tingz ahn du dem.

John 14:15

“If unu lov mi, unu fi du aal mi komaanment dem.

John 5:40

Bot stil yet unu no waahn kom tu mi fi get riil laif.

John 6:35

Den Jesus tel dem, “Ai dah di siem Wan weh dah di bred weh gi riil laif. Enybady weh kom tu mii gwain neva hongry agen, ahn enybady weh chros iina mii gwain neva get torsty agen niida.

John 6:37

Aala dem weh di Faada gi mi gwain kom tu mi; ahn enybady weh kom tu mi, Ah no gwain ton dem weh nontaim.

John 8:52

Wen dehn hier dat, di Jewish liida dem tel Jesus, “Now wi nuo fi chruut yuu gat wan bad spirit iina yo! Abraham don ded, ahn di prafit dem ded tu, ahn stil yet yu deh seh enybady weh kiip deh du weh yu tel dem fi du gwain neva ded.

Hebrews 5:9

Ahn so, wen Jesus kom fi bii porfek iina God sait, chruu him aal demde pipl weh obie God kuda get siev, ahn liv fareva!

James 4:17

So den, enybady weh nuo di rait ting fi du ahn den ihn no du'ih, him deh sin gens ihn uon suol.

1 Peter 2:4

So den, kom tu di Laad. Dah him dah di Stuon weh Livin, weh ihn pipl wehn rijek bot weh God don pik, bikaaz Christ wehn uova preshos tu im!

2 Peter 1:10

So den, mi fren dem, trai fi work muo haada fi pruuv seh di Laad riily don kaal unu, ahn ihn wehn pik unu out fi bii mongs ihn uon pipl dem. If unu du dis, unu no gwain faal ahn stap chros iina Christ.

1 John 2:29

Ahn unu nuo seh Christ aalwiez du weh rait, so evrybady weh du weh rait, dah wan a God pikniny, fi chruut.

1 John 3:7

Unu, weh dah mai likl pikniny dem, no mek nonbady fuul unu op. Evrybady weh du weh rait, dehn raichos iina God sait, siem laik how Jesus raichos.

Revelation 22:14

So den, God gwain bles aala demde pipl weh wehn wash dehn kluoz iina di blod fahn di Lam fi mek dehn kliin, bikaaz dehn gwain get di rait fi go chruu di giet dem iina di sity. Ahn dehn gwain gat di rait fi iit fahn di trii weh deh gi laif.