Luke 6:45 - The New Testament in Islander Creole

⁴⁵ So, di gud man bring gud tingz outa di gud weh stuor op iina ihn haat, ahn di bad man bring bad tingz outa di bad weh stuor op iina ihn haat tu. Ahn enyting weh wan man ful'op ihn haat wid, dat dah weh gwain kom outa ihn mout!

Luke 6:45 Iomraidhean Croise

John 7:38

Ahn dem weh chros iina mii gwain bii bles jos laik weh di Skriptyo seh, bikaaz outa dem plenty waata weh gi riil laif gwain spring'op jos laik wan riva fahn diip dong iinsaida dem!”

Acts 5:3

Bot Peter tel im seh, “Ananias, how yuu mek Satan kanchruol yo main, man! Yuu deh tel di Holy Spirit wan lai, wen yo kiip bak som a di mony fi yoself ahn den yu priten seh yo wende gi aala ih!

Ephesians 3:8

Ah shuor seh aala God pipl dem muo beta an mii. Stil yet, God wehn uova bles mi, wen ihn pik mi out fi go tel di Gentile pipl dem di Gud Nyuuz bout aal di blesin dem weh Christ deh gi ihn pipl dem. Ahn demde blesin so gud dat wi kyaahn iivn andastan aala dem!

Ephesians 4:29

Ahn unu no fi seh notn hietful niida, weh no gwain du nonbady non gud. Insida dat, unu fi seh di wod dem weh gwain help ada pipl, so dat weh unu seh gwain kom fi bil dem op akaadn tu weh dehn niid fi hier. Iina dah wie, unu gwain bii wan blesin tu di pipl dem weh deh hier unu!

Ephesians 5:19

Ahn inkorij wan anada wid di saamz ahn hims ahn spiritwal sang. Unu fi sing ahn mek myuuzik iina unu haat fi priez di Laad!

Colossians 3:16

Ahn mek Jesus Christ mesij aalwiez liv uova rich iina unu haat tu, so unu kyan tiich wan anada, advaiz wan anada, ahn du'ih iina wan waiz wie. Sing saamz, ahn sing di hims dem tu. Ahn sing di priez sang dem tu God, deh aafa op unu tanks tu im iina unu haat.

Colossians 4:6

Wen unu deh taak wid dem, taak tu dem iina wan nais ahn intrestin wie weh gwain mek dem waahn hier muo. Ahn den unu gwain kom fi nuo how fi gi di rait ansa tu evrybady.

Hebrews 8:10

Bot, den ihn seh tu: “Dis dah di nyuu agriiment weh Ah gwain mek wid di pipl fahn Israel, wen di rait taim kom: Ah gwain rait mi Laa dem pahn dehn main, so dehn kyan andastan dem. Ahn Ah gwain rait dem iina dehn haat, so dehn kyan obie dem. Ai gwain bii dehn God, ahn dem pipl gwain bii mai pipl dem.

Jude 1:15

Ihn deh kom fi joj, aala di pipl dem iina di worl! Ihn deh kom fi kandem aala dem sina dem weh no obie im, fi aala di teribl ting dem weh dehn seh gens im, ahn weh dehn du gens im tu!”