Luke 6:29 - The New Testament in Islander Creole

²⁹ If enybady lik yo pan wan jaa, mek ihn lik yo pan di neks wan tu. Ahn if sombady tek weh yo jakit, mek ihn tek yo shot tu.

Luke 6:29 Iomraidhean Croise

Matthew 26:67

Den dehn spit iina ihn fies ahn hit'im op wid dehn fis, ahn som a dem lik'im pahn ihn mout.

Luke 22:64

Dehn kova ihn ai wid klaat ahn aks im, “Sins dehn seh yuu dah wan prafit, tel wi dah huu hit yo?”

Luke 6:30

Enybady weh beg yo, gi dem. Ahn if dehn tek wat dah fi yo, no aks dem bak fi it agen.

John 18:22

Wen Jesus don seh dat, wan a di Templ gyaad lik'im kraas ihn fies ahn seh, “Dah so yuu deh taak tu di Hai Priis?”

Acts 23:2

Wen ihn hier dis, di Hai Priis Ananias tel som man weh wende stan op saida Paul fi lik'im iina ihn mout.

1 Corinthians 4:11

Iivn op tu tudeh, wi no gat nof tingz fi iit nar jrink. Wi no gat notn bot tier op kluoz fi wier. Di pipl dem deh biit wi op aal di taim. Wi no iivn gat non wie fi liv, ahn wi deh wanda fahn plies tu plies.

1 Corinthians 6:7

Ahn muo wosa yet, jos weh unu hafy ker unu kies dah kuot fi sekl ih, shuo seh unu no deh waak rait wid God iina di fos plies. Ih wuda beta fi unu fi mek ada pipl du unu bad ahn tiif unu, ahn jos lef ih so!

2 Corinthians 11:20

Yees, unu put'op wid it wen demde kain a pipl tek unu, mek sliev or chaans wid unu, or tiif unu op, or go aan laik dehn muo beta an unu, or iivn slap unu iina unu fies!

Hebrews 10:34

Ahn unu wuda fiil fi demde pipl weh wehn iina jiel tu. Unu wehn stie gud, iivn duo som ada pipl wehn tiif evryting weh unu wehn uon. Iina demde taim unu wehn nuo seh unu wehn gwain get beta ting —ting weh gwain laas fareva op iina hevn.