Luke 6:25 - The New Testament in Islander Creole

²⁵ Ahn unu weh gat plenty fi iit now, deh iina trobl; bikaaz unu gwain go hongry. Ahn unu weh laaf now, beta wory; bikaaz unu gwain muon ahn hala.

Luke 6:25 Iomraidhean Croise

Luke 12:20

Bot God seh tu im, ‘Yo fuul yo! Tinait yuu gwain ded. Den dah huu gwain injai aal demde tingz weh yo put'op fi yoself?’ ”

Luke 13:28

Ahn unu gwain hala, ahn grain unu tiit jos sieka di pien, wen unu si Abraham, Isaac, Jacob ahn aal di prafit dem iina God Kingdom, ahn dehn chruo unu out.

Luke 6:24

Bot unu weh rich now, deh iina trobl; unu don gat weh unu fi get.

Luke 6:26

Ahn trobl gwain kom pan unu wen evrybady taak gud bout unu; far, dat dah how dehn ansesta dem wehn triit di uol taim faals prafit dem.

Luke 8:53

Wen Jesus seh dat, di pipl dem staat laaf afta im, bikaaz dehn nuo seh di gyal wehn ded.

Ephesians 5:4

Ahn ih no rait fi unu taak bad tingz niida, nar kos bad wod, nar tel doty juoks. Insida dat, unu shuda aalwiez gi God tanks fi weh ihn du fi unu!

1 Thessalonians 5:3

Miin-taim di pipl dem deh seh, “Evryting deh gud ahn piisful. Notn no deh fi fried bout.” Den, wen dehn no deh espek'ih, uova bad trobl gwain kom pahn dem! Ahn evrybady gwain sofa; nonbady no gwain get-weh! Ih gwain bii laik wen bad pien kom so sodn pahn wan uman, weh gwain gat bieby weh redy fi baan.

James 4:9

Ripent, staat muon ahn baal out haad. Stap laaf ahn staat krai. Stap fiil glad ahn staat fiil sad!

Revelation 3:17

Unu deh taak seh, ‘Ah rich ahn Ah gat plenty tingz! Ai gat evryting weh Ah niid!’ Bot unu no andastan seh unu puor ahn pitiful fi chruut. Pipl iivn sary fi unu, bikaaz unu blain ahn niekit!