Luke 6:23 - The New Testament in Islander Creole

²³ Get glad wen dat hapm ahn daans wid jai, bikaaz wan big gif deh wiet fi unu iina hevn. Memba seh: dehn ansesta dem wehn du di siem ting tu di prafit dem lang taim bifuor unu.

Luke 6:23 Iomraidhean Croise

Matthew 5:12

Rijais ahn get glad wen dat hapm, bikaaz wan big gif deh wiet fi unu iina hevn. Memba seh: dehn ansesta dem wehn du di siem ting tu di prafit dem lang taim bifuor unu.

Luke 1:41

Wen Elizabeth hier Mary, Elizabeth bieby staat jomp op iina ihn bely, ahn Elizabeth get ful'op wid di Holy Spirit,

Luke 1:44

Siem taim yo hiel mi, mi bieby jomp op hapy iina mi bely.

Luke 6:35

Nuo, lov yo enimy ahn du gud fi dem! Gi bitout wiet bak pan notn. If unu du dat, Di Muos Hai God gwain pie unu bak plenty, ahn unu gwain bii ihn pikniny, bikaaz God iivn shuo kainis tu dem weh on'grietful ahn wikid.

Acts 14:10

ahn baal out seh, “Stan op striet pahn yo fut dem!” Siem taim, di man jomp op ahn staat waak!

Acts 3:8

Den di man jomp op ahn staat waak, ahn ihn fala dem iina di Templ, deh waak, deh jomp op, ahn deh priez God!

Acts 5:41

Afta di apasl dem lef di Jewish rilijos liida dem, dehn wehn uova glad, bikaaz dehn wehn get fi sofa shiem sieka Jesus.

Romans 5:3

Ahn bisaidz dat, wi deh rijais tu, bikaaz iivn wen wi deh sofa, dat gwain help wi fi bier enyting weh kom tu wi.

2 Corinthians 12:10

Dah sieka Christ, Ah hapy wen Ah wiik, or wen dehn insolt mi, or wen Ah go chruu haad taim or eny kain a sofarin, or wen dehn triit mi bad —bikaaz, wen Ah wiik, dah dah taim, Ah strang!

Colossians 1:24

So, Ah ongl glad wen Ah kuda sofa fi unu iina mi bady, bikaaz den, Ah deh finish aaf weh lef a di sofarin weh Christ wehn hafy gaan chruu fi di chorch —weh dah ihn bady.

2 Timothy 2:12

If wi no gi'op, wi gwain ruul wid im! If wi seh wi no nuo im, him tu gwain seh ihn no nuo wii.

Hebrews 11:26

Moses wehn figa seh, ih wehn beta fi mek ihnself sofa sieka di Mesaya, an fi uon aala di richiz weh wende dah Egypt, bikaaz him wehn gat fi him ai pahn di pie weh God wehn gwain gi'im iina di fyutyo.

Hebrews 11:6

Di chruut dah seh, nonbady kyaahn pliiz God if dehn no gat fiet iina him, bikaaz enybady weh waahn kom tu God hafy biliiv seh him deh, ahn dat God gwain gi gud tingz tu di pipl dem weh saach far im wid aala dehn haat!

James 1:2

Bredrin, unu fi fiil glad enytaim unu ron iina eny kain a troblz ahn haad taim,

1 Peter 4:13

Insida dat, unu fi glad seh, unu deh get di chaans fi shier iina Christ sofarin, bikaaz aftawod unu gwain get di jai fi shier iina ihn gluory tu, wen di taim kom fi dehn shuo ih tu di pipl a disya worl.

Revelation 2:17

So, if unu gat iez fi hier, den hier weh God Spirit deh tel di chorch dem: Dem weh stil stan strang afta Satan don trai dem, Ah gwain gi dem som a di mana weh a gat haid. Den, pan tapa dat Ah gwain gi dem wan wait rak wid wan nyuu niem weh rait pan ih. Ahn nonbady no gwain nuo di niem weh rait pahn di rak eksep di porsn weh Ai deh gi dah niem tu.

Revelation 2:26

Di wan dem weh stil yet stan strang afta Satan don trai dem, ahn stil deh obie mi tu di en, Ah gwain gi dem atarity uova aal di nieshan dem.

Revelation 2:7

So, him weh gat iez fi hier, beta hier weh God Spirit deh tel di chorch dem: Dem weh no gi'op, Ah gwain mek dehn iit fahn di Trii a Laif, weh deh iina God gyaadn!

Revelation 21:7

Ah gwain gi aala demya tingz tu demde pipl weh win ahn gat di viktry! Ai gwain bii fi dehn God ahn dehn gwain bii fi mii pikniny dem.

Revelation 3:12

Demde pipl weh stil stan strang afta Satan don trai dem, Ah gwain mek dem stan strang jos laik di big puos weh deh iina God Templ. Ahn dehn gwain stie deh fareva. Ah gwain rait di niem a fi mi God ahn di niem a God sity pahn dem. Dis sity dah di Nyuu Jerusalem, weh kom dong outa hevn fahn mai Faada God. Ahn Ah gwain rait mi uon nyuu niem pahn dem tu.

Revelation 3:5

Ahn jos laik dem, aal di pipl dem weh stan strang afta Satan don trai dem, gwain wier wait kluoz tu. Ah no gwain tek dehn niem fahn outa di Buk a Laif. Ahn wen Ah stan fronta mi Faada ahn ihn ienjel dem, Ah gwain seh dem dah fi mi fi chruut.