Luke 6:21 - The New Testament in Islander Creole

²¹ Unu weh hongry now, bles; bikaaz unu gwain get ful'op. Unu weh hala now, bles; bikaaz unu gwain laaf.

Luke 6:21 Iomraidhean Croise

Matthew 5:4

Dem weh muon ahn hala now, bles; bikaaz God gwain mek dem glad agen.

Matthew 5:6

Dem weh aal taim waahn pliiz God, bles; bikaaz God gwain help dem du gud.

Luke 1:53

Ihn gi di hongry plenty gud ting, bot ihn sen weh di rich pipl dem bitout notn.

Luke 6:20

Den Jesus luk striet pan ihn disaipl dem ahn seh: “Unu weh puor now, bles; bikaaz God Kingdom dah fi unu!

Luke 6:22

“Ahn unu gwain get bles wen dehn hiet unu, ahn rijek unu, ahn insolt unu, ahn dehn seh unu uova bad jos sieka unu chros iina di Son a Man.

Luke 6:25

Ahn unu weh gat plenty fi iit now, deh iina trobl; bikaaz unu gwain go hongry. Ahn unu weh laaf now, beta wory; bikaaz unu gwain muon ahn hala.

John 11:35

Den Jesus staat krai.

John 4:10

Jesus tel im, “If yuu wehn ongl nuo di gif weh God kyan gi'yo, ahn if yo wehn nuo dah huu dis deh aks yo fi waata, den yu wuda aks him fi waata, ahn ihn wuda gi'yo di kain a waata weh kyan gi'yo riil laif.”

John 6:35

Den Jesus tel dem, “Ai dah di siem Wan weh dah di bred weh gi riil laif. Enybady weh kom tu mii gwain neva hongry agen, ahn enybady weh chros iina mii gwain neva get torsty agen niida.

1 Corinthians 4:11

Iivn op tu tudeh, wi no gat nof tingz fi iit nar jrink. Wi no gat notn bot tier op kluoz fi wier. Di pipl dem deh biit wi op aal di taim. Wi no iivn gat non wie fi liv, ahn wi deh wanda fahn plies tu plies.

2 Corinthians 11:27

Ah work uova haad chruu plenty haad taim. Ahn plenty nait Ah no sliip ataal; plenty taim Ah dedeh hongry ahn torsty; som taim Ah no gat non kain a fuud, ahn Ah dedeh kuol ahn niekit.

2 Corinthians 12:10

Dah sieka Christ, Ah hapy wen Ah wiik, or wen dehn insolt mi, or wen Ah go chruu haad taim or eny kain a sofarin, or wen dehn triit mi bad —bikaaz, wen Ah wiik, dah dah taim, Ah strang!

2 Corinthians 6:10

Wi haat hevy, bot wi stil kyan rijais. Wi no gat plenty tingz, bot plenty pipl get rich blesin chruu weh wi priich. Wi no uon notn, bot stil evryting dah fi wi.

James 1:12

Memba seh: di biliiva weh go chruu plenty troblz bitout gi'op, him dah di wan weh gwain bii hapy; bikaaz di kroun weh demde kain a pipl gwain get, dah laif weh neva gwain don nontaim ataal. Ahn dat dah di praiz weh God wehn pramis evrybady weh lov im.

Revelation 21:3

Ahn Ah hier wan loud vais weh kom fahn di chruon seh, “Luk yah! Fahn yah go bak, God deh mek im huom wid ihn pipl dem! Ihn gwain liv wid dem ahn dehn gwain bii fi him pipl dem. God ihnself gwain dedeh wid dem aal di taim ahn ihn gwain bii dehn God.

Revelation 7:16

Dehn no gwain get hongry no muo, ahn dehn no gwain get torsty agen niida. Di son no gwain bon dem op. Ahn no hiit no gwain du dem non damij niida.