Luke 6:13 - The New Testament in Islander Creole

¹³ Di neks maanin, Jesus kaal ihn disaipl dem, pik out twelve fi deh wid im, ahn niem dem apasl.

Luke 6:13 Iomraidhean Croise

Matthew 10:2

Demya dah di niem dem fi di twelve apasl dem: Fos yo wehn gat Simon —huu dehn yuuztu kaal Peter— ahn ihn breda Andrew, ahn James ahn ihn breda John —Zebedee son dem.

Matthew 19:28

Jesus seh tu dem, “Ah deh tel unu di chruut: wen di Son a Man kom sidong pahn ihn gluoryos chruon fi ruul, wen God mek aal tingz nyuu, aala unu weh wehn fala mi gwain sidong pahn twelve chruon fi joj di twelve traib a Israel.

Matthew 9:36

Wen ihn si di paila pipl, ihn get sary fi dem, bikaaz dehn wehn opset ahn no gat nonbady fi help dem, jos laik wen di shiip dehn no gat non shepad.

Mark 6:30

Aftawod, wen di twelve apasl, weh Jesus wehn sen out gaan priich God mesij, kom bak fahn dehn trip, dehn tel Jesus bout how evryting weh dehn wehn du wehn gaan aan, ahn wat dehn tiich.

Mark 6:7

Ahn ihn kaal di twelve disaipl tugeda, ahn ihn gi dem di atarity uova di bad spirit dem. Den ihn staat sen dem out two-two.

Luke 11:49

Bot God iina ihn wizdom wehn seh, ‘Ah gwain sen prafit ahn apasl tu dem, ahn dehn gwain kil som a dem ahn ron dong di res.’

Luke 22:30

Unu gwain iit ahn drink roun di tiebl wid mii iina mi Kingdom, ahn unu gwain sidong pahn chruon fi joj di twelve traib a Israel.

Luke 6:14

Demya dah dehn niem: Simon —huu Jesus wehn kaal Peter— ahn ihn breda Andrew. Den yo wehn gat: James, John, Philip, Bartholomew,

John 4:33

So di disaipl dem seh tu wan anada, “Nonbady neva bring notn fi him iit, no chruu?”

Acts 1:13

Wen dehn get bak, dehn gaan opstiez dah di ruum weh dehn wende stie. Demya dah aala dem weh wehn dedeh: Peter, John, James, Andrew, Philip, Thomas, Bartholomew, Matthew, ahn James —weh dah wehn Alphaeus son. Den yo wehn gat Simon, weh dehn kaal di zealot, ahn Judas —weh dah wehn James son.

Ephesians 2:20

Unu wehn kom fi bii paat a di bildin weh gat di apasl ahn di prafit dem laik di foundieshan rak dem. Ahn Christ Jesus dah laik di fos brik, di chiif kaana-stuon, weh gi strent tu di bildin.

Ephesians 4:11

Dah him huu wehn gi demya gif tu di pipl dem. Ihn pik som pipl fi bii apasl, ahn som fi bii prafit, ahn som a dem ivanjelis. Ahn ihn pik som ada pipl fi bii pastya ahn tiicha tu.

Hebrews 3:1

So den, bredrin —unu weh God wehn kaal fi bii fi him huoly pipl— tink plenty bout Jesus, huu God wehn sen fi bii fi wi Apasl ahn Hai Priis iina di fiet weh wi deh chros iina.

2 Peter 3:2

Ah waahn unu memba demde tingz weh God huoly prafit dem wehn tel wi ansesta dem lang-lang taim abak. Ahn unu no fi farget niida demya tingz weh Jesus, fi wi Laad ahn Sievya, wehn tel ihn apasl dem fi tel unu fi du.

Revelation 12:1

Den op iina di skai Ah si wan griet sain weh wehn uova strienj. Dah wehn wan uman; ahn di son wehn kova im jos laik wan goun. Ahn di muun wende aanda ihn fut dem. Ihn wende wier wan kroun pahn ihn hed weh gat twelve staar.

Revelation 18:20

So den, unu weh deh op iina hevn, rijais! Ahn mek God pipl dem dong yah, ahn aal di Laad apasl ahn ihn prafit dem, mek aala dem rijais! Bikaaz God don joj Babylon fi di bad tingz dem weh shii wehn du.’ ”

Revelation 21:14

Di waal fi di sity wehn bil pahn tapa twelve foundieshan rak. Ahn pahn tapa iich a dem twelve foundieshan rak, dehn wehn rait dong di niem a di twelve apasl fahn di Lam.