Luke 6:11 - The New Testament in Islander Creole

¹¹ Bot di Pharisee pipl ahn di tiicha a di Laa dem wehn beks ahn staat taak wid wan anada bout weh dehn fi du wid Jesus.

Luke 6:11 Iomraidhean Croise

Matthew 16:7

So di disaipl dehn staat taak'op mongs dehnself wai ihn seh dis. “Dah mosy bikaaz wi figat fi ker di bred,” dehn seh.

Matthew 21:45

Wen di hai priis ahn di Pharisee pipl dehn hier di parabl dem weh Jesus seh, dehn nuo seh ihn wende taak bout dem.

Luke 4:28

Den, aal di pipl iina di sinigag get beks wen dehn hier Jesus wod dem.

Luke 6:10

Jesus luk roun pan aala dem, ahn den ihn seh tu di man, “Strech out yo han!” Ahn di man strech'ih out, ahn rait dehso ihn han get gud jos laik di ada wan!

Luke 6:12

Iina daty taim Jesus gaan op pan wan mountin, gaan prie, ahn ihn spen di huol nait deh prie tu God.

John 11:47

So di chiif priis ahn Pharisee dem kaal'op wan miitn a di Jewish Kongsl; ahn wen dehn get tugeda, dehn seh, “Dah weh wi fi du now? Dis man deh du aala dem mirakl.

John 7:1

Afta dat, Jesus gaan fahn plies tu plies iina Galilee lan. Ihn neva waahn go chruu Judea, bikaaz di Jewish liida dem roun dehso wende luk fi wan chaans fi kil im.

Acts 26:11

Ahn plenty taim dah mii, yuuztu mek dem get ponish iina di sinigag fi get dem fi kors Christ. Ai wehn so beks Ah wuda dongtu go dah farin sity fi gi dem som haad taim.

Acts 4:15

Dehn ongl aada Peter ahn John fi go outsaid til dehn kuda disaid weh fi du wid dem.

Acts 4:19

Bot Peter ahn John tel dem seh, “Weh unu tink rait? Wat God wuda waahn wi fi du; fi wi obie unu or fi wi obie him? Dah unu fi disaid dat.

Acts 5:33

Bot wen di memba a di Kongsl dem hier dis, dehn wehn so beks dehn wehn waahn kil di apasl dem rait dehso.

Acts 7:54

Now wen di memba dem a di Jewish Kongsl hier wat Stephen wehn tel dem, dehn get uova beks til dehn grain dehn tiit.

2 Timothy 3:9

Bot demde kain a pipl no gwain get faar, bikaaz evrybady gwain si seh dehn ongl stupid. Ahn dat dah di siem ting weh hapm tu Jannes ahn Jambres!