Luke 4:5 - The New Testament in Islander Creole

⁵ Den di devl ker Jesus op pan wan hai plies, ahn iina wan muoment ihn shuo im aal di kingdom dem iina di huol worl.

Luke 4:5 Iomraidhean Croise

Matthew 24:14

Ahn di gud nyuuz bout God Kingdom gwain get priich aal uova di worl fi pipl kyan hier di chruut, ahn den di en gwain kom.

Matthew 4:8

So di devl tek Jesus agen ahn ker'im op pan wan hai-hai mountin ahn shuo im aal di kingdom dem iina di huol worl, ahn dehn richiz ahn byuuty.

1 Corinthians 7:31

Ahn demde pipl weh gat bizniz wid aal di tingz iina dis worl, dehn shuda no spen aal dehn taim pahn demde tingz. Bikaaz dis worl, laik how wi nuo ih now, gwain suun disapier!

2 Corinthians 4:17

Ahn wi nuo seh di likl bit a trobl weh wi deh go chruu fi disya shaat taim dah no notn ataal, wen wi kompier ih tu di huol paila gluory weh wi gwain get, weh gwain laas fareva!

Ephesians 2:2

Demde taim, unu yuuztu fala di bad wie a disya worl. Unu wuda lisn tu wat di Wikid Wan tel unu fi du. Dah him weh ruul uova aala di spirit dem iina di skai, ahn now ihn kanchruol aala demya pipl weh no lisn tu God.

Ephesians 6:12

Bikaaz, wi no deh fait gens non pipl. Wii deh fait gens dehn powa weh wi kyaahn si —gens dehn wikid spirit dem weh deh liv hai op deh iina di ier. Wii deh fait gens di strang powa dem weh deh ruul uova di pipl dem weh no chros iina God, ahn gens demde powa weh gat atarity now iina disya daak taim weh wi deh liv iina.