Luke 4:25 - The New Testament in Islander Creole

²⁵ Now lisn tu mi gud: dah chruut, plenty wido wende iina Israel lan iina Elijah taim, wen ih neva rien fi three ahn a haaf yierz ahn bad famin wende evry weh iina di lan;

Luke 4:25 Iomraidhean Croise

Matthew 20:15

Ai kyan du enyting weh Ah waahn wid mi mony, dah no so? Or ih hot yo fi si seh Ah du somting speshal fi sombady els?’ ”

Luke 10:21

Siem taim, Jesus get ful'op wid jai fahn di Holy Spirit ahn ihn seh, “Ah tank yuu, Faada, Laad iina hevn ahn pahn ort, bikaaz yo kiip di chruut bout di Kingdom fahn di pipl dem weh tink seh dehn waiz ahn dem weh seh dehn nuo bout demya tingz, bot yo shuo dem tu di aadinary pipl. Yees Faada, bikaaz yo wehn glad fi du'ih dis wie.”

Romans 9:15

Nuotis weh ihn wehn seh, wen ihn taak tu Moses: “Ai gwain gat morsy pahn huu Ai waahn, ahn Ai gwain gat pity pahn huu Ai waahn.”

Romans 9:20

Dah huu unu tink unu, fi taak bak tu God? Wan plien pat weh mek outa mod no gwain grombl tu di man weh mek'ih, ahn aks im seh, “How kom yuu mek mi so?”

Ephesians 1:11

Di chruut dah seh, evryting weh tek plies iina disya worl, dah bikaaz God wehn don plan'ih, ahn dah fi him disizhan. So, God wehn pik wi out fi bii fi him uon pipl dem ahn bii wan wid Christ; ahn dat dah fi him uon plan weh ihn wehn disaid fahn di biginin a taim.

Ephesians 1:9

ihn du weh ihn wehn plan fi du fahn lang-lang taim abak: ihn mek wii bii paat a ihn siikrit plan weh nonbady neva nuo bifuor, weh ihn wehn gwain du fi wi chruu Christ.

James 5:17

Siem laik di uol taim prafit Elijah weh dah wehn wan man jos laik mii ahn unu. Ihn prie fahn ihn haat fi mek'ih no rien; ahn afta ihn prie, fi three ahn a haaf yierz ih neva rien ataal!

Revelation 11:6

Ahn demya two wiknis gat powa fi huol bak di rien iina di skai tu, so di rien no gwain faal juurin di taim wen dehn deh prafisai. Ahn dehn gat powa fi mek di waata weh kom fahn outa di grong ton tu blod tu. Ahn dehn gat powa fi sen eny kain a uova bad siknis tu di worl enytaim dehn waahn.