Luke 4:18 - The New Testament in Islander Creole

¹⁸ “Di Laad Spirit deh pahn mi, bikaaz ihn chuuz mi fi priich gud nyuuz tu di puor pipl dem. Ihn sen mi fi tel di prizna dem seh dehn gwain get frii, ahn fi mek di blain pipl dem si agen; fi frii dem weh deh sofa, ahn weh aanda opreshan,

Luke 4:18 Iomraidhean Croise

Matthew 11:5

blain pipl dehn get fi si, ahn dem weh wehn kripl deh waak agen; pipl weh wehn gat leprosy get beta, ahn di def kyan hier. Ded pipl kom bak tu laif, ahn di puor pipl dem get di gud nyuuz priich tu dem.

Matthew 12:18

“Luk yah, dis dah mi sorvant weh Ah pik out, di wan weh Ah lov ahn proud ah! Ah gwain mek mi spirit kom dong pahn im, ahn ihn gwain tel di Gentile pipl dem how dehn kyan get siev fahn God ponishment.

Matthew 12:20

Ihn no gwain bii rof wid dem weh wiik, nar wid dehn weh helplis, til ihn mek shuor seh weh God waahn du riily hapm.

Matthew 4:16

Demde pipl weh wehn ignarant gwain get andastandin, laik dem weh sidong iina daaknis, ahn den si wan big lait. Ahn fi di pipl weh dah laik dem weh wende liv nier det, dehn gwain get fi si dehn sievya laik di son weh kom op ahn shain pan dem.”

Matthew 5:3

“Dem weh puor iina spirit, bles; bikaaz di Kingdom a Hevn dah fi dem!

Luke 4:17

ahn dehn gi'im di buk weh di prafit Isaiah wehn rait. Ihn uopm ih op ahn fain di plies weh ih seh:

Luke 6:20

Den Jesus luk striet pan ihn disaipl dem ahn seh: “Unu weh puor now, bles; bikaaz God Kingdom dah fi unu!

Luke 7:22

Jesus tel di mesinja dem seh, “Go bak ahn tel John aal weh unu wehn si ahn hier: blain pipl dehn get fi si, ahn dem weh wehn kripl deh waak agen; pipl weh wehn gat leprosy get beta, ahn di def kyan hier. Ded pipl kom bak tu laif, ahn di puor pipl dem get di gud nyuuz priich tu dem.

John 1:41

Di fos ting weh ihn gaan du, dah fain Simon ahn ihn tel im seh, “Bwai, wii fain di Mesaya yu nuo!” (Now Mesaya miin “Christ.”)

John 12:46

Ah kom iina di worl laik lait, so enybady weh chros iina mi no gwain liv iina di daak no muo.

John 3:34

Bikaaz di Wan weh God sen seh, aala weh God waahn im fi seh, sieka God gi'im ihn Spirit ahn ihn neva huol bak notn ataal.

Acts 10:38

God wehn pik out Jesus fahn Nazareth fi bii di Mesaya ahn ihn gi'im di Holy Spirit ahn powa. Den Jesus gaan aal bout di plies deh du gud ahn ihn kyuor aal weh wende aanda di kanchruol a di devl, bikaaz God wende wid im.

Acts 26:18

Ah waahn yu fi uopm dehn ai ahn ton dem roun fahn di daaknis, weh dehn deh iina, tu di lait; ahn fahn Satan powa tu God. So chruu dehn fiet iina mi, dehn gwain get fargivnis fi dehn sin ahn dehn gwain gat wan plies mongs di pipl weh God wehn pik out fi ihn uon.’

Acts 4:26

Dehn king ahn di ada ruula fahn di worl dehn set demself gens God ahn gens di Mesaya weh ihn wehn pik.’

Acts 4:27

“Ahn jos laik ihn wehn seh lang taim abak, Herod ahn Pontius Pilate wehn put dehn hed tugeda gens Jesus rait yah iina dis sity, lang wid fi wi uon Jewish pipl dem, ahn wid di Gentile pipl tu. Aala dem set demself gens yo Holy Sorvant Jesus, weh yo wehn pik fi bii di Mesaya.

Colossians 1:13

Bikaaz God don reskyu wi fahn outa wi sinful wiez weh wehn gat powa uova wi ahn weh mek wi liv iina daaknis. Ahn ihn bring wi sief fi liv iina ihn Son Kingdom —ihn Son weh ihn lov.

James 2:5

Hier dis, bredrin: God don pik demde pipl weh ada pipl luk pan az puor, fi bii rich iina fiet! Ahn ihn wehn pramis demde pipl weh lov im, wan plies iina fi him Kingdom.

1 Peter 2:9

Bot unu dah di speshal pipl dem weh God wehn pik out. Unu dah priis weh dah fi God, di King. Unu dah wan nieshan weh God set wan-said fi ihnself. God bring unu fahn outa daaknis ahn put unu iina fi him wandaful lait. Now unu hafy tel evrybady aal di wandaful tingz weh God wehn du.