Luke 3:8 - The New Testament in Islander Creole

⁸ Fos du di tingz weh shuo seh unu stap sin. Ahn no bada tink iina unu haat seh, ‘Wii dah paat a Abraham famaly, so wi gud aredy!’ Mek Ah tel unu, God kyan mek pikniny outa demya rak ahn ton dem iina Abraham famaly!

Luke 3:8 Iomraidhean Croise

Matthew 21:43

Das wai Ah deh tel unu seh God Kingdom gwain get tek weh fahn unu; ahn di pipl dem, weh deh du weh di Laad seh, gwain get'ih.

Matthew 3:8

Fos du di tingz weh shuo seh unu stap sin.

Matthew 3:9

Ahn no bada tink iina unu haat seh, ‘Wii dah paat a Abraham famaly, so wi gud nof aredy!’ Mek Ah tel unu: God kyan mek pikniny outa demya rak ahn ton dem iina Abraham famaly!

Luke 13:25

Wen di uona a di hous get'op ahn lak di duo, ih gwain tuu liet. Ahn den, dem weh neva get iin, gwain deh stan op outa duo deh nak ahn deh beg, ‘Laad, uopm di duo fi wi no!’ Bot ihn gwain ansa dem seh, ‘Ah neva nuo unu, nar weh unu kom fram ataal.’

Luke 13:26

“Den unu gwain seh, ‘Laad, wi yuuztu iit ahn drink tugeda wid yo, wen yo wende tiich mongs wi lang di ruod!’

Luke 14:9

ahn di porsn weh invait yo kom ahn seh tu yo, ‘Mek im sidong yahso.’ Den yo gwain fiil shiem, ahn yo gwain hafy tek di siit weh deh dah di bak!

Luke 19:40

So Jesus seh tu dem, “Ah tel unu seh: if dem les naiz, den dongtu di rak dem gwain staat hala out ahn priez God!”

Luke 19:9

Jesus ansa im seh, “Tudeh rait yah iina disa hous wan nada man ahn ihn famaly get siev. Zacchaeus dah wan a Abraham son fi chruut, bikaaz ihn chros iina God jos laik wi ansesta dem yuuztu du.

Luke 5:21

Di Pharisee pipl ahn di tiicha a di Laa dem staat tink tu demself, “Dah huu disa man; ihn tink seh him dah God iikwal? Huu kyan fargiv sin; dah no God aluon?”

John 8:33

Di pipl dem ansa Jesus seh, “Wii kom fahn Abraham famaly, ahn wii dah neva nonbady sliev yet. So dah weh yuu miin wen yo seh, ‘Unu gwain bii frii’?”

John 8:39

Dehn ansa Jesus seh, “Abraham dah fi wi faada.” Den Jesus seh, “If unu dah wehn Abraham pikniny dem, den unu wuda deh du weh Abraham wehn du,

Acts 26:20

Ah staat priich fos dah Damascus, den Ah gaan tu Jerusalem, ahn den Ah gaan roun di huol a Judea lan, ahn Ah staat priich tu di Gentile tu. Ah priich seh dehn hafy ripent fahn dehn sin dem ahn ton tu God ahn du di tingz dem weh rait fi shuo seh dehn chienj.

Romans 4:16

So den, weh God pramis don kom chruu fiet aluon so dat ihn frii gif a salvieshan wuda kom tu aala Abraham disendant dem —tu demde Jew weh chruu dehn fiet du weh di Laa seh dehn fi du, ahn tu demde pipl weh dah no Jew bot weh chros iina God siem laik how Abraham wehn chros iina him. Unu si, dat wie Abraham dah aala wi pupa!

Romans 9:7

dah no aala di pipl dem weh baan iina Abraham famaly dah fi Abraham riil famaly weh God wehn chuuz. Memba seh: God wehn pramis Abraham ahn tel im seh, “Ongl yo son Isaac pikniny dem gwain kount az yo riil famaly.”

Philippians 1:11

Ahn Ah prie fi Jesus Christ mek unu kantinyo deh du di rait ting dem, fi unu kyan get aal di gud weh ongl kom fahn him. Dis gwain mek di pipl dem ana God muo ahn muo ahn priez im tu!