Luke 3:13 - The New Testament in Islander Creole

¹³ “No kalek no muo an weh unu hafy kalek,” John tel dem.

Luke 3:13 Iomraidhean Croise

Matthew 7:12

“Aal taim unu fi du fi ada pipl jos wat yo wuda waahn dehn du fi yo, bikaaz dis dah weh di Laa ahn di uol taim prafit dem wende tel yu fi du.

Luke 19:8

Siem taim Zacchaeus stan op ahn seh tu Jesus, “Luk, Laad! Ah gwain gi haaf ah aal weh Ah gat tu di puor dem, ahn if Ah wehn eva uova chaaj taks tu enybady, Ah wi pie dem bak four taim weh Ah uova chaaj dem.”

Luke 3:12

Den di taks kalekta dem kom fi get baptaiz tu. “Tiicha,” dehn aks John, “Ahn wat wi fi du?”

Luke 3:14

Den som suoldya aks John, “Ahn wat wi fi du?” Ahn John ansa, “Unu no fi tiif di pipl dem, nar tel lai pan nonbady ahn unu fi bii hapy wid weh dehn pie unu.”

1 Corinthians 6:10

ahn demde pipl weh tiif, or weh gat red ai, or weh drink til dehn jronk; ahn demde pipl weh taak bad bout ada pipl, ahn weh tiif pipl —non a dem no gwain gat non paat iina God Kingdom ataal!

Ephesians 4:28

Ahn enybady weh wuda tiif, ihn no fi tiif no muo! Dah porsn niid fi go work ahn du somting gud wid ihn han, so dat ihn kyan help ihnself ahn enybady els weh gat niid tu.

Hebrews 12:1

Ahn now, bredrin, bikaaz wi gat dis big kroud a pipl dem weh don shuo wi how fi get fiet iina God ahn now deh wiknis how gud wii deh du, mek wi get rid a evryting weh kyan kiip wi bak, speshaly demde sin weh no gwain mek wi go gud. Insida dat, mek wi ron haad wi ries weh deh hed a wi.