Luke 3:1 - The New Testament in Islander Creole

^1-2 Den di taim kom wen Zechariah son, John, wehn gruo'op, ahn gat God mesij fi staat priich. Daty taim wen John wehn iina di dezart, ahn plenty ruula wende roun, Tiberius Caesar wende ruul di huol Roman worl —ihn wehn iina ihn fifteenth yier— ahn ihn helpa Govana Pontius Pilate wende ruul Judea lan, ahn King Herod wende ruul di Galilee sekshan, ihn breda Philip wende ruul di Ituraea ahn di Trachonitis sekshan dem, ahn Lysanias wende ruul di Abilene sekshan; ahn Annas ahn Caiaphas dehn dah wehn di Hai Priis.

Luke 3:1 Iomraidhean Croise

Matthew 14:1

Iina dah siem taim Herod, di Tetraak, wehn hier bout aal di tingz weh Jesus wende du,

Matthew 14:3

Bikaaz dah wehn Herod ihnself wehn sen gaan kech John, chien'im op, ahn put im iina jiel. Herod du dis jos sieka Herodias, di uman weh ihn breda Philip wehn marid tu,

Matthew 14:6

Bot wentaim dehn wende kiip'op Herod bortdie, Herodias daata wende daans fi aal di pipl dem weh wehn dedeh. Dis mek Herod get so glad,

Matthew 22:17

So tel wi weh yu tink: ih deh gens fi wi Laa or no, fi pie taks tu Caesar di Roman Empara?”

Matthew 27:2

Ahn dehn tai op Jesus ahn ker im uova tu Pilate, di govana.

Mark 6:17

Dah wehn Herod self aada fi grab John, chien'im op, ahn put im iina jiel. Herod du dis jos sieka Herodias, di uman weh ihn wehn marid tu, weh dah wehn ihn breda Philip waif.

Mark 6:21

At laas Herodias get ihn chaans fi get wat ihn wehn waahn. Dah wehn Herod bortdie, ahn ihn wehn gat wan paaty fi aal di big taim pipl dem, laik govament liida, militiery chiif, ahn di rich pipl dem fahn Galilee lan.

Luke 13:31

Siem taim som Pharisee seh tu Jesus, “Gwaan fahn yah, if yo waahn liv, bikaaz Herod waahn kil yo!”

Luke 2:1

Iina demde diez di Roman ruula, Caesar Augustus, wehn gi aadaz fi mek wan sensos a di huol kingdom.

Luke 23:24

Pilate aada fi dehn kil Jesus jos laik di kroud wehn waahn,

Luke 3:19

Aftawod, John tel di Tetraak Herod seh ihn rang fi marid Herodias, ihn breda waif, ahn bout aal di ada bad tingz weh ihn wende du.

Luke 9:7

Now Herod, di Tetraak, wehn hier bout aal weh wende go aan, so ihn wende fret plenty bikaaz som pipl wende seh John di Baptist kom bak tu laif.

Acts 23:26

Fram Claudius Lisias, Tu ihn Ekselensy Govana Felix: Griitinz.

Acts 24:27

Huol a two yierz paas laik dis; den wan nyuu govana tek uova fahn Felix, weh niem Porcius Festus. Bot wen Felix wende lef, ihn lef Paul rait dehso iina prizn, bikaaz ihn wehn waahn stie gud wid di Jewish liida dem.

Acts 26:30

Den di king, di govana, Bernice, ahn aala di ada wan dem get'op ahn gaan.

Acts 4:27

“Ahn jos laik ihn wehn seh lang taim abak, Herod ahn Pontius Pilate wehn put dehn hed tugeda gens Jesus rait yah iina dis sity, lang wid fi wi uon Jewish pipl dem, ahn wid di Gentile pipl tu. Aala dem set demself gens yo Holy Sorvant Jesus, weh yo wehn pik fi bii di Mesaya.