Luke 24:39 - The New Testament in Islander Creole

³⁹ Luk pan mi han ahn pan mi fut dem. Si seh dah mii! Toch mi ahn unu wi nuo. Wan guos no gat flesh ahn buon laik weh unu si Ai gat.”

Luke 24:39 Iomraidhean Croise

Luke 23:46

Den Jesus hala out haad, “Faada, iina yo han, Ah deh put, mi spirit.” Az suun az ihn don seh dat, ihn bluo fi di laas taim ahn ded.

Luke 24:38

Jesus seh tu dem, “Wai unu so fraitn ahn gat so moch dout iina unu main?

Luke 24:40

Wen ihn seh dat, ihn shuo dem ihn han ahn ihn fut dem.

John 20:20

Wen ihn seh dat, ihn shuo dem ihn han dem ahn ihn said. Wen di disaipl dem si seh dah wehn di Laad, dehn wehn uova glad.

John 20:25

So di ada disaipl dem tel im, “Wi si di Laad!” Bot Thomas tel dem, “Di ongl wie Ah gwain biliiv, dah if Ah si di huol dem weh di niel lef iina ihn han, ahn put mi finga iina dem, ahn if Ah shub mi han iina ihn said.”

John 20:27

Den Jesus seh tu Thomas, “Kom, kom put yo finga yah ahn luk pahn mi han dem. Strech out yo han ahn put'ih iina mi said. Stap deh dout ahn biliiv, Thomas.”

Acts 1:3

Fi forty diez afta ihn sofa ahn ded, ihn apier'op tu ihn falowa dem plenty taim fi pruuv seh ihn wehn kom bak tu laif fi chruut. Dehn wehn si'im wid dehn uon two ai, ahn ihn taak wid dem bout plenty tingz kansaanin God Kingdom.

1 Thessalonians 5:23

Di laas ting Ah gwain seh, bredrin, dah: wii deh prie seh di God weh gi wi piis wuda mek unu bii laik himself —huoly ahn gud iina evrywie! Ahn wi prie seh him wuda kiip unu spirit, suol ahn bady kliin fahn sin, so wen di Laad Jesus Christ kom bak, ihn no gwain fain non faalt iina unu ataal.

Hebrews 12:9

Ahn wan nada ting: wii rispek wi hyuuman faada dem wen dehn ponish wi, no chruut? Wel den, dah ho moch muo wi shuda put wiself aanda di ponishment a fi wi Faada iina hevn ahn liv fareva!

1 John 1:1

Bredrin, wi deh rait tu unu bout di Wan weh dehn kaal “Di Wod weh gi Laif,” weh wehn egzis fahn di biginin a taim. Wi deh rait aal weh wi wehn si ahn hier. Ahn wi wehn si'im wid wi uon two ai dem ahn toch im wid wi uon han dem.