Luke 24:26 - The New Testament in Islander Creole

²⁶ Unu neva nuo seh di Mesaya wehn hafy sofa fos, bifuor ihn kuda get aal di ana weh dah fi him?”

Luke 24:26 Iomraidhean Croise

Luke 24:44

Afta dat, ihn seh tu dem, “Demya dah di siem tingz Ah wehn tel unu bout wen Ah stil wende wid unu: evryting weh Moses, di prafit dem, ahn weh wehn rait dong iina di Psalms bout mii wehn hafy hapm.”

Luke 24:46

Ihn tel dem, “Dis dah weh dehn wehn rait iina di Skriptyo: ‘Di Mesaya gwain sofa, ahn den riez bak op fahn mongs di ded dem pan di third die.

Luke 24:7

Ihn seh, ‘Dehn gwain gi uova di Son a Man tu som wikid man, weh gwain niel'im op pan wan kraas, ahn den ihn gwain riez'op fahn mongs di ded pan di third die.’ ”

John 2:22

So wen Jesus wehn riez bak fahn di ded, ihn disaipl dem memba seh Jesus wehn don seh dat. Ahn dehn wehn biliiv di Skriptyo ahn weh Jesus wehn seh.

John 20:9

Yu si, dehn stil neva andastan di Skriptyo weh wehn seh how Jesus wehn fi riez'op fahn mongs di ded.

Acts 17:3

ahn shuo dem pruuf seh di Mesaya wehn hafy sofa plenty, ahn den ih wehn gwain riez bak op fahn di ded. “Dis Jesus weh Ah deh taak bout dah di Mesaya, fi chruut!” Paul tel dem.

Hebrews 12:2

Ahn mek wi kiip wi ai dem pahn Jesus, bikaaz wi fiet dipen pahn him fahn staat til wi get dah di en! Memba seh: him gaan chruu di shiem ahn mek dem niel'im op pahn wan kraas, ahn ihn neva tink notn a ih bikaaz ihn nuo seh, pahn di en ihn wehn gwain mek im hapy fi du'ih. Ahn now, ihn deh sidong pahn di rait han saida God chruon!

1 Peter 1:11

Dehn wende wanda dah wat di Spirit a Christ —weh deh iina dem— wende taak tu dem bout. Ihn tel dem fahn bifuor ih hapm bout how Christ wuda sofa ahn bout ihn gluory aftawod. Den, dehn wende wanda dah wen aala dis gwain hapm ahn dah huu ih gwain hapm tu.

1 Peter 1:3

Bredrin, mek wi gi tanks tu God, di Faada a wi Laad Jesus Christ, bikaaz dah fi him griet morsy dah wai ihn mek wi kyan baan agen. Ahn siem taim ihn gi wi wan huop weh alaiv, sieka weh Jesus Christ riez'op bak fahn di ded!