Luke 23:34 - The New Testament in Islander Creole

³⁴ Ahn Jesus seh, “Faada, fargiv demya pipl, bikaaz dehn no nuo weh dehn deh du.” Den di suoldya dem, fi shier op ihn kluoz mongs dehnself, gyambl wid dais fi si huu wuda get wish piis.

Luke 23:34 Iomraidhean Croise

Matthew 11:25

Iina dah siem taim Jesus seh, “Ah tank yuu, Faada, Laad iina hevn ahn pahn ort, bikaaz yo kiip di chruut bout di Kingdom fahn di pipl dem weh tink seh dehn waiz ahn dem weh seh dehn nuo bout demya tingz, bot yo shuo dem tu di aadinary pipl.

Matthew 11:26

Yees, Faada, bikaaz yo wehn glad fi du'ih dis wie.”

Matthew 5:44

Bot Ai deh tel yo: Lov yo enimy dem, ahn prie fi dem weh triit yo bad,

Mark 15:24

Ahn di suoldya dem niel'im op pan di kraas. Afta dis, fi shier op ihn kluoz mongs dehnself, dehn gyambl wid dais fi si huu wuda get wish piis.

Luke 22:42

“Faada, if dah weh yo waahn, pliiz no mek Ah sofa aal demde tingz weh Ah gat fi sofa. Bot dah no weh Ai waahn; dah weh yuu waahn fi hapm.”

John 17:9

Faada, Ah deh prie fi demya; Ah no prie fi dem weh dah paat a disa worl, bot Ah deh prie fi demya weh yu wehn gi mi, bikaaz dehn dah fi yu tu.

John 19:11

Jesus ansa seh, “Yu ongl gat powa uova mii, bikaaz God gi'yo. So di wan weh han mi uova tu yu gat muo sin an yu.”

Acts 16:28

Bot Paul baal out ahn seh, “Stap, no kil yoself! Aala wi deh yah!”

Acts 3:17

“Now bredrin, Ah nuo seh unu, ahn unu liida dem tu, neva andastan weh unu wende du wen unu kil Jesus.

Acts 7:60

Den ihn niil dong ahn baal out haad seh, “Laad! No mek dis sin kom gens dem!” Ahn afta ihn seh dat, siem taim Stephen jrap dong ahn ded.

Romans 12:14

Ahn main, unu aks God fi bles di pipl dem weh deh mek unu sofa. No aks God fi put wan kors pahn dem, bot aks God fi bles dem!

1 Corinthians 2:8

Non a dehn ruula fahn disya worl neva andastan dah kain a wizdom, bikaaz if dehn wehn andastan ih, dehn neva wehn gwain niel di Laad a Gluory pahn di kraas.

1 Corinthians 4:12

Wi work haad wid wi uon han dem. Ahn wen di pipl dehn insolt wi, wi bles dem. Wen dehn gi wi haad taim, wi gat pieshens wid dem.

1 Timothy 1:13

Iivn duo Ai yuuztu insolt God, ahn Ah yuuztu ongl bii kruwil ahn mek ihn pipl dem sofa plenty; stil yet, Christ gat morsy pahn mi, bikaaz Ah neva wehn nuo beta, ahn bikaaz Ah neva chros iina Christ demde taim.

1 Peter 3:9

Bot, if sombady du unu somting bad, unu no fi du somting bad bak tu dem. Ahn, if sombady insolt unu, unu no fi insolt dem bak agen niida. Insida dat, aks God fi bles dem, bikaaz dat dah weh God waahn unu fi du —ahn den ihn gwain bles unu!