Luke 23:33 - The New Testament in Islander Creole

³³ Wen dehn kom dah di plies weh niem Di Skol, dehn niel'op Jesus wid di two kriminal dem —wan pahn ihn rait said ahn di nada wan pahn ihn lef said.

Luke 23:33 Iomraidhean Croise

Matthew 20:19

Ahn dehn gwain gi'im op tu di Roman ruula dem fi dehn mek juok aafa im, biit'im op, ahn den niel'im op pahn wan kraas. Bot pahn di third die afta ihn ded, ihn gwain kom bak tu laif.”

Matthew 26:2

“Unu nuo seh di Paasuova fiis gwain hapm iina two diez, ahn di Son a Man gwain get han uova ahn get niel'op pahn wan kraas.”

Luke 24:7

Ihn seh, ‘Dehn gwain gi uova di Son a Man tu som wikid man, weh gwain niel'im op pan wan kraas, ahn den ihn gwain riez'op fahn mongs di ded pan di third die.’ ”

John 18:32

(Wen dehn seh dat, ih mek weh Jesus wehn seh kom chruu, bikaaz him wehn don tel dem weh kain a det ihn wehn gwain ded.)

John 3:14

Ahn laik how Moses wehn lif op di braas sniek pahn wan puos iina di dezart, dah jos laik so dehn gwain lif op di Son a Man,

Acts 13:29

Den, wen dehn don du evryting weh di Skriptyo seh bout im, ihn falowa dem tek im dong aafa di kraas ahn ber im iina wan tuum.

Acts 2:23

Ahn God wehn plan fahn lang taim bifuor seh Jesus wehn gwain get han uova tu unu. Ahn unu uonself mek som wikid man niel'im op pahn wan kraas ahn kil im!

Acts 5:30

Unu uonself mek dem kil Jesus wen unu aada dem fi niel'im op pahn wan kraas, bot di siem God weh fi wi ansesta dem yuuztu waaship riez'im op fahn di ded.

Galatians 3:13

Bot, Jesus Christ frii wi fahn di kandemnieshan weh di Laa kom wid. Sieka weh Jesus heng pahn di kraas, him tek aan di ponishment fi aala wi sin dem pan ihnself. Az di Skriptyo seh, “Enybady weh heng pahn wan trii, deh aanda wan kandemnieshan.”

1 Peter 2:24

Ahn Christ himself ker fi wi sin dem iina fi ihn bady pahn di kraas, so dat wi kuda ded tu sin ahn liv fi weh rait. Dah chruu di kot ahn di bruuz dem weh ihn wehn sofa fi wi, wii kyan get hiil.