Luke 22:52 - The New Testament in Islander Creole

⁵² Den Jesus seh tu di chiif priis, di Templ gyaad dem, ahn som a di Jewish rilijos liida weh wehn kom fi grab im, “Mii dah mosy wan big tiif or somting, fi unu hafy kom afta mi wid suod ahn big stik?

Luke 22:52 Iomraidhean Croise

Matthew 26:47

Wail Jesus wende taak, Judas —huu dah wehn wan a di twelve disaipl— get deh. Ahn wan paila pipl wid suod ahn big stik wende wid im, bikaaz di chiif priis ahn di ada Jewish rilijos liida dehn wehn sen dem.

Matthew 26:55

So Jesus seh tu di paila pipl weh wehn dedeh, “Wai unu kom out yah wid suod ahn big stik fi grab mi laik Ai dah wan tiif, wen evry die Ah yuuztu sidong iina di Templ ahn tiich, ahn stil yet unu neva grab mi?

Luke 22:37

Ah deh tel unu: weh di prafit dem wehn rait dong iina di Skriptyo bout mii hafy hapm: ‘Dehn gwain tink seh him wende mongs dem weh brok di Laa.’ Yees, Ah seh tu unu, weh dehn rait dong bout mii, deh hapm now.”

Luke 22:4

Judas gaan si di chiif priis ahn di Templ gyaad aafisa dem fi taak bout how ihn kuda sel out Jesus.

Luke 22:51

Jesus seh, “No muo a dis!” Ahn ihn toch di man iez ahn kyuor im bak.

Luke 22:53

Ah wehn deh wid unu evry die iina di Templ ahn unu neva iivn trai fi toch mi, bot dis dah unu taim now, wen aal di daak powa gwain tek uova.”

John 17:12

Wail Ah wende wid dem, Ah wehn protek dem chruu di powa weh deh iina yo niem, di siem powa weh yu wehn gi mi. Ah wehn main dem gud ahn nat wan a dem neva gaan astrie, eksep di wan weh wehn baan fi go dah Hel, so weh di Skriptyo wehn seh bout him kom chruu.

Acts 5:26

So di kyapm a di Templ gyaad wid ihn aafisa dem gaan fi grab di apasl dem agen, ahn ker dem bak. Bot dehn mek shuor seh dehn neva yuuz no fuos, bikaaz dehn wehn fried seh di pipl dem wuda lik dem dong.