Luke 22:37 - The New Testament in Islander Creole

³⁷ Ah deh tel unu: weh di prafit dem wehn rait dong iina di Skriptyo bout mii hafy hapm: ‘Dehn gwain tink seh him wende mongs dem weh brok di Laa.’ Yees, Ah seh tu unu, weh dehn rait dong bout mii, deh hapm now.”

Luke 22:37 Iomraidhean Croise

Mark 15:27

Dah siem die two tiif wehn get niel'op pahn two kraas saida Jesus tu; wan pahn ihn rait said ahn di nada wan pahn ihn lef said.

Mark 15:28

[Dis dah di wie di Skriptyo kom chruu weh seh, “Ahn dehn wehn gwain kansida im laik wan kriminal tu.”]

Luke 18:31

Jesus kaal ihn twelve disaipl dem wan-said ahn tel dem, “Unu hier now; wi gwain op dah Jerusalem ahn evryting weh di uol taim prafit dem wehn rait bout di Son a Man gwain hapm.

Luke 22:22

Bikaaz dah chruut, weh God gat plan fi di Son a Man hafy hapm; bot ih gwain bii uova bad fi di man weh sel'im out.”

Luke 22:36

Jesus seh tu dem, “Bot now, if unu gat wan pors, unu fi ker'ih ahn wan bag tu; ahn if unu no gat wan suod, sel unu jakit ahn bai wan.

Luke 22:52

Den Jesus seh tu di chiif priis, di Templ gyaad dem, ahn som a di Jewish rilijos liida weh wehn kom fi grab im, “Mii dah mosy wan big tiif or somting, fi unu hafy kom afta mi wid suod ahn big stik?

Luke 23:32

Den, siem taim di suoldya dem wende liid out two kriminal fi go get kruusifai wid Jesus tu.

Luke 24:27

Den Jesus eksplien evryting weh wehn rait dong iina di Skriptyo bout ihnself tu dem. Ihn staat fahn Moses ahn kom rait dong tu aal di prafit dem.

John 10:35

Ahn unu nuo seh wi kyaahn chienj weh God Wod seh. So, if ihn seh dem pipl dah gad —di siem wan dem weh God mesij kom tu—

John 17:4

Ah shuo evrybady yah pahn dis ort yo gluory, bikaaz Ah don du evryting weh yu sen mi fi du.

2 Corinthians 5:21

Memba: dah sieka aala wi sin, God put dah sin pahn Christ —iivn duo him neva sin— so dat wii kuda bii wan wid Christ, ahn evryting get rait bitwiin wii ahn God.

Galatians 3:13

Bot, Jesus Christ frii wi fahn di kandemnieshan weh di Laa kom wid. Sieka weh Jesus heng pahn di kraas, him tek aan di ponishment fi aala wi sin dem pan ihnself. Az di Skriptyo seh, “Enybady weh heng pahn wan trii, deh aanda wan kandemnieshan.”