Luke 22:26 - The New Testament in Islander Creole

²⁶ Ah no waahn unu fi liv laik so mongs unuself. Insida dat, mek di wan weh dah di bigis wan mongs unu bii laik di smaalis, ahn mek di liida bii laik di wan weh dah di sorvant.

Luke 22:26 Iomraidhean Croise

Matthew 20:26

Ah no waahn unu fi liv laik so mongs unuself. Enybady weh waahn bii di bes, hafy bii di sorvant a di res a unu;

Mark 10:43

Ah no waahn unu fi liv laik so mongs unuself. Enybady weh waahn bii di bes, hafy bii di sorvant a di res a unu.

Mark 9:35

So Jesus sidong ahn kaal di twelve disaipl ahn tel dem, “Enybady weh waahn bii di bes, hafy tink pan ihnself laik di liis, ahn bii di res a dem sorvant.”

Luke 9:48

Jesus seh tu dem, “Enybady weh aksep dis likl pikniny bikaaz a mii, aksep mii tu; ahn enybady weh aksep mii, aksep di wan weh sen mii. Bikaaz di wan weh dah di liis mongs unu, dah di bigis.”

Romans 12:2

Unu no fi liv laik demde pipl iina disya worl. No du weh dehn du nontaim. Insida dat, unu fi mek God chienj di wie unu tink, so dat evryting weh unu du, kyan chienj tu. Den, dat gwain mek unu nuo weh God waahn, weh gud ahn weh gwain pliiz im. Ahn unu gwain nuo egzakly how unu shuda liv.

1 Peter 5:3

Ahn no deh baas'op di pipl dem weh deh iina unu kier niida; bot reda, bii wan egzampl tu dem,

1 Peter 5:5

Siem wie, unu yonga pipl fi obie unu elda dem. Di chruut dah seh, aala unu niid fi ombl unuself ahn sorv wan anada, bikaaz di Skriptyo seh: “God fait gens dehn pipl weh proud, bot ihn help dem weh ombl.”