Luke 22:20 - The New Testament in Islander Creole

²⁰ Siem wie Jesus tek op wan kop a wain afta dehn don iit, ahn seh, “Dis kop dah mi blod weh gwain ron fi unu, ahn gwain mek wan nyuu agriiment bitwiin God ahn ihn pipl dem.

Luke 22:20 Iomraidhean Croise

Matthew 26:28

Bikaaz dis dah mi blod weh gwain ron fi plenty pipl kyan get paadn fi dehn sin dem, ahn ih gwain mek wan nyuu agriiment bitwiin God ahn ihn pipl dem.

Mark 14:24

Ahn Jesus seh, “Dis dah mi blod weh gwain ron fi plenty pipl; mi blod weh gwain mek wan nyuu agriiment bitwiin God ahn ihn pipl dem.

1 Corinthians 11:25

Ahn afta dehn don iit di bred, siem wie Jesus tek wan kop ahn seh, “Dis kop a wain dah fi mi blod, weh dah di nyuu agriiment weh God wehn mek wid ihn pipl dem. Enytaim unu jrink fahn di kop, jrink it fi memba mi.”

2 Corinthians 3:6

Dah God aluon mek wi fit fi bii fi him sorvant dem fi di Nyuu Agriiment weh ihn wehn mek wid ihn pipl dem. Dis Nyuu Agriiment dah fahn di Holy Spirit. Ih dah no fahn non laa weh don get rait dong, bikaaz dah Laa deh bring det, bot di Spirit gi laif!

Hebrews 12:24

Ahn unu don kom tu Jesus tu, weh stan bitwiin God ahn ihn pipl dem chruu wan Nyuu Agriiment. Unu kom tu di blod a Jesus weh wehn sprinkl pahn demde pipl fi mek dem kliin fahn dehn sin dem. Ahn dis shuo wi seh, Jesus blod faar muo beta an di blod a Abel.

Hebrews 13:20

So now, Ah prie seh di God a Piis, Him weh don mek dah Griet Shepad a di shiip riez'op bak fahn di ded —fi wi Laad Jesus Christ— gi aala unu evryting weh unu niid fi du weh him waahn unu du, chruu di blod a di eva-lastin Nyuu Agriiment! Ahn dat, God gwain kyan du iina wi evryting weh gwain pliiz im chruu Christ weh get aal di gluory fareva ahn eva. Amen!

Hebrews 9:15

Dat dah wai Christ dah di Wan weh stan bitwiin God ahn di pipl dem aanda di Nyuu Agriiment, so aala dehn pipl weh God don pik, kyan get aal di blesin dem weh di Laad wehn pramis dem. Bikaaz Christ wehn ded, so dat ihn kuda wehn frii dem fahn di sin dem weh dehn wehn du, wen dehn wende aanda di Uol Agriiment.

Hebrews 9:17

Weh Ah miin fi seh dah wan wil no wot notn ataal tu nonbady, wail di porsn weh mek'ih stil yet alaiv. Bot, wen di porsn don ded, den di wil gat powa.