Luke 22:17 - The New Testament in Islander Creole

¹⁷ Aftawod Jesus tek wan kop a wain, ihn gi God tanks far ih, ahn seh, “Tek dis ahn shier'ih mongs unuself.

Luke 22:17 Iomraidhean Croise

Matthew 14:19

Den ihn tel di pipl dem fi sidong pahn di graas. Ihn tek di five bred ahn di two fish, luk op tu hevn ahn gi God tanks. Den ihn brok di bred dem iina piisiz ahn gi'ih tu di disaipl dem fi dehn paas ih roun tu di pipl dem.

Matthew 15:36

ahn ihn tek di seven bred ahn di fish, ahn gi God tanks fi it. Den ihn brok di bred dem iina piisiz ahn gi'ih tu ihn disaipl dem fi dehn paas ih roun tu di paila pipl dem.

Matthew 26:26

Ahn az dehn wende iit, Jesus tek op wan bred ahn bles ih. Den ihn brok'ih iina piisiz ahn giv it tu ihn disaipl dem ahn seh, “Unu tek dis ahn iit'it. Dis dah mi bady.”

Mark 14:22

Ahn az dehn wende iit, Jesus tek op wan bred, ahn bles ih. Den brok'ih iina piisiz, ahn giv it tu ihn disaipl dem ahn seh, “Unu tek dis ahn iit'it. Dis dah mi bady.”

Luke 22:19

Den ihn tek wan bred, ahn afta ihn gi God tanks, ihn brok'ih, ahn ihn gi dem ahn seh, “Dis dah mi bady weh Ah deh gi fi unu. Du dis fi unu rimemba mi.”

Luke 9:16

Den Jesus tek di five bred ahn di two fish ahn luk op tu hevn ahn gi God tanks. Den ihn brok di bred dem iina piisiz ahn gi'ih tu ihn disaipl dem fi dehn paas ih roun tu di pipl dem.

Romans 14:6

Di man weh tink wan die muo huoly an di neks, him deh du'ih fi ana di Laad. Ahn di neks wan weh tink seh ih rait fi iit aal kain a fuud, him deh iit miit fi ana di Laad tu, bikaaz ihn deh gi God tanks fi dah fuud. Dah di siem wie wid di man weh no iit miit nontaim. Ihn no iit'ih, bikaaz ihn waahn ana di Laad, ahn gi'im tanks tu.

1 Corinthians 10:16

Wen wi get tugeda fi wan Brokin a Bred sorvis, ahn bles di kop ahn jrink outa it, wi deh shier iina di blod a Christ. Ahn, wen wi brok di bred ahn iit aafa it, wi deh shier iina di bady a Christ.

1 Corinthians 11:23

Bikaaz, weh Ah wehn paas aan tu unu, dah dis tiichin weh Ai get dairek fahn di Laad ihnself: Dah siem nait wen di Laad Jesus get sel out, ihn pik op di bred, ahn wen ihn don tank God far it, ihn brok it ahn seh: