Luke 21:8 - The New Testament in Islander Creole

⁸ Ahn Jesus seh, “Unu wach out ahn no mek nonbady fuul unu op; bikaaz plenty pipl gwain kom deh yuuz mai niem deh seh, ‘Ai dah di Mesaya!’ ahn ‘Di taim deh nier!’ Unu no fi fala dem.

Luke 21:8 Iomraidhean Croise

Matthew 24:11

Ahn plenty faals prafit gwain kom ahn fuul'op plenty pipl.

Matthew 3:2

“Ripent, bikaaz dah taim now; God deh kom fi ruul!”

Matthew 4:17

So, fahn rait dehso, Jesus staat priich ahn seh, “Unu fi ripent, bikaaz now dah di taim wen unu kyan bii paat a di Kingdom a Hevn!”

Luke 17:23

Pipl gwain tel unu seh, ‘Luk, di Son a Man wehn dedeh!’ or tel unu seh ihn wende yah, bot unu no fi ron afta dem.

Luke 21:7

Den dehn aks im, “Tiicha, dah wen dat gwain hapm, ahn wish sain wi gwain si fos so wi kyan nuo seh aal dis gwain suun staat?”

Luke 21:9

Ahn wen unu hier dehn taak bout plenty waar ahn rayat, no get uova fraitn, bikaaz aal demya tingz gwain hafy hapm fos, bot dat no miin seh dat dah di en yet.”

John 5:43

Ah kom wid mi Faada atarity, ahn unu no aksep mi. Bot if sombady els kom wid ihn uon atarity, unu wuda aksep im duo.

John 8:24

Dat dah wai Ah deh tel unu seh unu gwain ded, ahn unu sin stil no gwain get fargiv, if unu no biliiv seh mii dah di Wan weh Aalwiez Egzis.”

John 8:28

so Jesus seh, “Wen unu lif op di Son a Man, den unu gwain nuo seh mii dah di Wan weh Aalwiez Egzis, ahn dat Ah no du notn pahn mi uon, bot Ah ongl seh weh di Faada wehn tiich mi.

1 Corinthians 6:9

Tel mi now: Unu no nuo seh aal di wikid pipl dem no gwain gat non paat iina God Kingdom? No fuul'op unuself! Aala demde kain a pipl weh waaship di aidal dem, ahn demde kain a pipl weh sliip roun ahn weh gat ada uman wid dehn waif, or ada man wid dehn hozban; ahn demde kain a man weh sliip wid nada man;

Ephesians 5:6

So den, bredrin, unu no fi mek nonbady fuul unu op, deh tel lai weh no gat non sens ataal. Aala demya tingz weh Ah deh taak bout, dehn mek God uova beks. Demde pipl, weh no deh du weh ihn tel dem fi du, gwain fiil God raat.

2 Thessalonians 2:3

No mek nonbady fuul unu op iina non wie ataal! Bikaaz dah die no gwain kom til di Laas Die a Ribelyan, wen plenty-plenty pipl gwain ton gens God. Den, di Wan weh uova Wikid gwain apier'op —dah man weh don set fi go tu ihn distrokshan fareva.

2 Timothy 3:13

Dehn gwain gat muo wikid pipl, ahn muo pipl weh tel lai tu; so, ih gwain get wosa ahn wosa. Dehn gwain fuul'op plenty pipl ahn siem taim dehn gwain fuul'op demself tu.

1 John 4:1

Mi dier fren dem, unu no fi chros evrybady weh seh, dah God Spirit deh taak chruu dem. Bot unu fi tes out di spirit dem fos, fi si if dehn dah fahn God fi chruut, bikaaz wan paila faals prafit deh iina di worl.

2 John 1:7

Bot wan paila bad tiicha weh gaan out uova di houl worl fi fuul'op di biliiva dem. Demde kain a tiicha no waahn biliiv seh, Jesus Christ wehn kom iina di worl az wan hyuuman bi'in. Pipl laik demde no deh taak di chruut; dehn dah Christ enimy fi chruut!

Revelation 1:3

God gwain bles enybady weh riid dis mesij. Ahn ihn gwain bles dem weh hier'ih ahn biliiv aal weh ih seh, bikaaz di taim deh nier wen aala demya tingz gwain tek plies.

Revelation 12:9

So, Michael ahn fi him ienjel dem chruo di big jragan fahn outa hevn. Him dah wehn di uol sniek weh dehn kaal di Devl, or Satan, weh fuul'op aal di pipl dem pahn di ort. So den, Michael ahn ihn ienjel dem pich im dong pahn di ort wid aala ihn ienjel dem.