Luke 21:34 - The New Testament in Islander Creole

³⁴ “Unu main, unu no mek unu haat get hevy wid sin, laik di man weh wies ihn laif wid jronkinis, ahn di woriz a dis laif; ahn den, wen unu fain out, Dah Die kech unu aafa gyaad. Ih gwain kom aalava sodn laik wan trap;

Luke 21:34 Iomraidhean Croise

Matthew 13:22

Som taim, laik di siid weh drap mongs di prikl, disya man dah di wan weh hier di mesij, bot aftawod ihn wory bout ihn laif ahn ho moch mony ihn gwain mek, ahn dis kiip dong God mesij, ahn ihn no ton tu notn gud.

Mark 13:9

“Unuself fi wach out. Dehn gwain grab unu ahn ker unu dah di Kongsl dem. Ahn dehn gwain biit unu op iina di sinigag dem sieka mi, ahn unu gwain hafy gi akount ah weh unu biliiv fronta di govana ahn king dem.

Mark 4:19

bot aftawod dehn wory bout dehn laif, ahn ho moch mony dehn gwain mek, ahn aal kain a ada tingz weh dehn waahn weh kom iina dehn main, ahn dis kiip dong di mesij, ahn dehn no ton tu notn gud.

Luke 10:41

Di Laad ansa im ahn seh, “Martha, Martha, yo deh wory yoself ahn get beks uova plenty ting,

Luke 12:40

Jos so, unu fi aalwiez redy tu, bikaaz pahn di siem owaz weh unu no espek di Son a Man fi kom, dah dat taim ihn gwain kom bak.”

Luke 17:3

So main weh unu deh du! “If eny a yo breda sin, golang ahn fies im bout'ih; if ihn sary fi weh ihn deh du ahn waahn chienj ihn wiez, den unu fi paadn im.

Luke 21:35

bikaaz dis die gwain kom, ahn evrybady pan dis ort gwain ekspiriens ih.

Luke 21:8

Ahn Jesus seh, “Unu wach out ahn no mek nonbady fuul unu op; bikaaz plenty pipl gwain kom deh yuuz mai niem deh seh, ‘Ai dah di Mesaya!’ ahn ‘Di taim deh nier!’ Unu no fi fala dem.

Luke 8:14

Di siid weh drap mongs di prikl dah laik dem weh hier, bot az dehn go pahn dehn wie, di woriz, richiz ahn plezha fahn dis laif wi pail op ahn chuok dem, ahn dehn no gwain ton tu notn gud.

1 Corinthians 5:11

Wat Ai wehn miin fi seh dah dis: unu no fi gat notn fi du wid nonbady weh kaal dehnself wan biliiva ahn stil yet deh liv wan slak laif, or gat red ai, or deh waaship di aidal dem, or deh taak bad bout pipl, or deh jrink til dehn get jronk, or deh tiif. Unu shuda no iivn sidong fi iit wid nonbady weh du demde kain a tingz.

1 Corinthians 6:10

ahn demde pipl weh tiif, or weh gat red ai, or weh drink til dehn jronk; ahn demde pipl weh taak bad bout ada pipl, ahn weh tiif pipl —non a dem no gwain gat non paat iina God Kingdom ataal!

Galatians 5:20

dehn waaship di aidal dem ahn dehn du uobya tu. Dehn ton enimy wid wan anada, dehn kyaahn grii wid nonbady; dehn jalas afta wan anada, dehn get beks, ahn dehn selfish bitwiin demself. Den, dehn split'op iina fi dehn uon likl gruup dem, ahn aala dem gruup deh gens wan anada.

Philippians 4:6

So, unu no fi wory bout notn, bot unu fi prie ahn aks God fi evryting weh unu niid. Ahn unu fi tank im tu, fi evryting weh ihn don du fi unu.

Hebrews 12:15

Mek shuor seh non a unu no ton unu bak pahn God gries. Ahn no mek non a unu get bita niida, laik wan paizn plaant weh tek ruut ahn spred ih paizn tu plenty pipl.

2 Peter 3:10

God gwain kom bak wen nonbady espek'ih ataal, jos laik wen wan tiif deh kom iina wan hous. Ahn wen Dat Die kom, wi gwain hier wan big loud naiz ahn di skai no gwain dedeh no muo! God gwain mek evry likl ting weh iin deh, bon'op ahn disapier! Ihn gwain joj di ort ahn aal wehn deh iina it!

2 Peter 3:14

Ahn so unu, weh dah mi gud fren dem, wail unu deh wiet fi Dat Die, du unu bes fi mek di Laad fain unu deh liv kliin, so nonbady kyaahn paint dehn finga pahn unu ahn so unu deh iina piis wid God.

Revelation 3:3

So den, unu fi memba di tingz dem weh unu hier ahn yuuztu biliiv. Unu fi du weh dehn tiich unu, ahn ton weh fahn unu sin dem. Bot, if unu no wiek'op, Ai gwain kom laik wan tiif —Ah gwain kom wen unu liis espek'ih!