Luke 21:19 - The New Testament in Islander Creole

¹⁹ So no gi'op ahn unu suol gwain siev!

Luke 21:19 Iomraidhean Croise

Matthew 10:22

Ahn evrybady gwain hiet unu sieka unu chros ahn fala mii. Bot enywan a unu weh kiip ihn fiet tu di en, gwain get siev.

Matthew 24:13

Bot enywan a unu weh kiip ihn fiet tu di en, gwain get siev.

Luke 8:15

Ahn di siid weh faal pahn gud grong, dah laik dem weh hier di mesij ahn kiip'ih iina dehn haat ahn du aal weh God seh. Ahn den dehn kiip aan deh du gud tingz, no mata wat.”

Romans 15:4

Memba seh: evryting weh wehn rait dong iina di Skriptyo fahn lang taim abak wehn rait dong fi tiich wi tudeh, so wi gwain kyan luk ahed wid pieshens tu weh gwain kom, sieka di huop weh di Skriptyo gi wi.

Romans 2:7

Now, fi demde pipl weh kiip aan deh du gud ahn deh luk tu God fi ihn priez ahn ana —fi demde pipl weh waahn laas fareva— dah tu demde kain a pipl, God gwain gi laif weh neva gwain en nontaim.

Romans 5:3

Ahn bisaidz dat, wi deh rijais tu, bikaaz iivn wen wi deh sofa, dat gwain help wi fi bier enyting weh kom tu wi.

Romans 5:4

Ahn, wen wi wilin fi bier enyting weh kom, dat gwain mek wi get muo stranga iinsaid. Ahn sieka weh wi get muo stranga iinsaid, dat gwain gi wi muo huop fi weh God gat fi wi.

Romans 8:25

Bot, if wi deh huop fi weh wi no get yet, wi no main fi wiet far ih ataal.

1 Thessalonians 1:3

Wi no farget fi seh tanks tu wi Faada fi di wie how unu deh liv. Far, unu laif shuo seh unu chros iina Jesus, ahn ih shuo how unu deh work haad far im bikaaz unu lov im. Wi tank God tu seh bikaaz unu kiip aan deh stan strang sieka di huop weh unu gat iina di Laad Jesus Christ.

2 Thessalonians 3:5

So, wi seh tu unu: mek di Laad ihnself gi unu muo ahn muo beta fiet ahn andastandin a God lov; ahn dat him wi shuo unu how fi kiip aan iina di fiet ahn no gi'op nontaim, wail unu deh fala di egzampl a Christ.

Hebrews 10:36

Bot unu hafy stie dehso; so dat, wen unu don du weh God waahn unu fi du, unu gwain get weh ihn pramis unu!

Hebrews 6:11

So now, wi huop seh iich wan a unu wuda aalwiez kiip'op di iiganis weh unu gwain shuo til di en, so dat unu kuda shuor seh unu gwain get di tingz dem weh unu deh huop fah.

Hebrews 6:15

Ahn so, afta Abraham wiet ahn chros God fi wan lang-lang taim, ihn get weh God wehn pramis im!

James 1:3

bikaaz unu nuo seh, wen unu fiet get trai ahn unu no gi'op, dat gwain mek unu get muo stranga.

James 1:4

Ahn sieka weh unu no gi'op, unu gwain bii laik weh God waahn unu fi bii, so dat unu no gwain shaat a notn weh pliiz im.

2 Peter 1:6

bikaaz God shuo wi fi kanchruol wiself. Den pan tapa dat, laan fi bier'op aanda evryting, ahn so mek unu laif shuo seh unu dah God pikniny fi chruut.

Revelation 1:9

Ai dah John, unu breda, bikaaz wii dah wan wid Jesus Christ. Ahn Ah sofa wid unu tu sieka wi deh fala Christ iina ihn Kingdom tugeda, bot God gi wi di strent fi bier'ih. Now, bikaaz Ai wende tel di pipl dem bout God Wod ahn di chruut bout Jesus, dehn put mi pahn dis ailant weh niem Patmos.

Revelation 13:10

Enybady weh sopuoz fi get kyapcha, gwain get kyapcha fi chruut. Ahn demde pipl weh sopuoz fi get kil wid di suod, gwain get kil wid di suod fi chruut. Dis miin seh, God pipl dehn fi bier'op aanda plenty sofarin, ahn dehn fi neva stap chros iina God nontaim!

Revelation 14:12

Dis miin seh God pipl fi bier'op ahn kantinyo fi du ongl weh God tel dem fi du, ahn dehn no fi stap chros iina Jesus nontaim!

Revelation 3:10

Bikaaz unu bier'op ahn stan strang deh du weh Ah tel unu fi du; Ah no gwain mek unu sofa, wen haad taim ahn trobl kom fi trai aal di pipl dem weh deh pahn ort.