Luke 20:47 - The New Testament in Islander Creole

⁴⁷ Dehn sniikin, ahn laik tek uova di hous a di puor uman dem weh dehn hozban ded. Bot stil yet dehn ton roun ahn waahn shuo aaf wid lang prayaz. Demde gwain get muo ponishment fi di bad tingz weh dehn du.”

Luke 20:47 Iomraidhean Croise

Matthew 23:13

Den Jesus kantinyo deh seh, “How haad unu gwain gat'ih, unu tiicha a di Laa ahn Pharisee pipl, unu hipokrit! Unu deh henda pipl fahn go iina di Kingdom a Hevn. Unu uonself neva gwain go iin, nar mek nonbady els go iin niida.

Matthew 23:14

[How haad unu gwain gat'ih, unu tiicha a di Laa ahn Pharisee pipl, unu hipokrit! Unu laik tek uova di hous fi di puor uman dem weh dehn hozban ded. Bot stil yet unu ton roun ahn waahn shuo aaf wid lang prayaz. Fi dat unu gwain get muo ponishment fi di bad tingz weh unu du!]

Mark 12:40

Dehn sniikin, ahn dehn laik tek uova di hous a di puor uman dem weh dehn hozban ded, bikaaz demde uman no gat non wie fi difen demself. Bot stil dehn ton roun ahn waahn shuo aaf wid lang prayaz. Ah deh tel unu seh: Fi dehn ponishment gwain bii wosa an fi enybady els.”

Luke 12:1

Wen di pipl bai di thousands wende pail op roun Jesus, so moch til dehn wende mash wan anada, Jesus ton roun ahn seh tu ihn disaipl dem, “Unu no fi bii hipokrit laik di Pharisee dem. Dehn two-fies wiez kyan spred mongs unu laik how iis spred iina flowa.

Luke 20:46

“Wach out fi di tiicha a di Laa dem, weh laik waak roun iina dehn lang goun, ahn mek evrybady hiel dem op wid rispek iina di maakit plies dem. Dehn lov fi sidong iina di muos impuotant siit dem iina di sinigag ahn get di bes plies iina di paaty dem.

Luke 21:1

Jesus luk op ahn si di rich pipl dem deh put dehn gif iina di aafrin baks dah di Templ.

1 Thessalonians 2:5

Unu wel nuo tu seh wi neva kom tu unu wid non swiit-taak niida; wii neva put aan no shuo laik if wii dah wehn unu fren so dat wi kuda wehn get mony fahn unu. Ahn God ihnself dah fi wi wiknis.

Titus 1:16

Dehn seh dehn nuo God, bot aal di tingz weh dehn deh du, shuo seh dehn no nuo im ataal. Dehn wikid, ahn dehn no pie non main tu weh God tel dem fi du. So, dehn no fit fi du notn gud ataal!

James 3:1

Bredrin, plenty a unu shudn trai fi bii tiicha, bikaaz unu nuo seh God gwain joj aala wi weh deh tiich muo haada an evrybady els!