Luke 20:23 - The New Testament in Islander Creole

²³ Bot Jesus wehn nuo wat dehn wehn op tu, ahn ihn seh tu dem,

Luke 20:23 Iomraidhean Croise

Matthew 16:1

Wen di Pharisee ahn di Sadducee pipl dem get deh, dehn wehn waahn trap Jesus, so dehn tel im fi mek dem si wan mirakl, wan sain fahn hevn.

Matthew 22:18

Bot Jesus wehn nuo wat dehn wehn op tu, ahn ihn seh tu dem, “Unu hipokrit, wai unu waahn trap mi?

Luke 20:20

So dehn kiip wan kluos ai pan Jesus. Dehn sen som man fi dag im —weh wende plie seh dehn biliiv Jesus— fi trai kech im iina somting weh ihn wende seh, so dehn kuda han im uova tu di Roman govana, weh wehn gat di powa fi jiel im.

Luke 20:22

So tel wi: ih deh gens fi wi Laa or no, fi wi pie taks tu Caesar di Roman Empara?”

Luke 20:24

“Unu bring wan silva chienj yah; mek Ah si'it. Now, dah fi huu fies ahn niem deh pahn dis mony?” Dehn ansa, “Caesar!”

Luke 5:22

Jesus wehn nuo weh dehn wende tink, so ihn aks dem, “Dah wai unu deh tink demya tingz iina unu haat?

Luke 6:8

Now, iivn duo Jesus wehn nuo weh dehn wende tink iina dehn haat, ihn seh tu di man wid di kripl han, “Get'op ahn stan op fronta evrybady.” So ihn get'op ahn stan op rait dehso.

Acts 13:10

“Yuu, son a di devl! Yuu weh ful ah aal kain a bad trik ahn wikidnis; yuu dah di enimy a evryting weh gud! Wen yuu gwain stap twis'op di Laad wiez?

1 Corinthians 10:9

Ahn wi no fi trai tes di Laad niida, laik weh som a dem wehn du, ahn dah dem weh wehn ded fahn sniek bait.

1 Corinthians 3:19

Bikaaz, weh di pipl dem fahn disya worl tink dah wizdom, dah no non wizdom ataal iina God sait! Ih dah laik weh rait dong iina di Skriptyo seh, “Di Laad deh kech demya pipl weh tink dehn smaat iina dehn uon smaatnis.”

Ephesians 4:14

Den, iina dah taim deh, wi no gwain bii laik likl pikniny no muo, weh iizy fi chienj weh dehn biliiv az kwik az dehn hier enyting weh nyuu. Dehn dah laik wan likl buot weh di wiev dem kyan fling bout, wen di strang briiz kiip aan deh chienj ahn bluo di buot dis wie ahn dah neks wie. Demde pipl weh deh trai fi fuul wi op wid dehn rang tiichin, dah jos laik demde win. Dehn liid som biliiva astrie wid dehn triky tiichin dem, weh dehn mek'op dehn uonself!

Hebrews 4:13

So, notn no deh weh kyan haid fahn God! Evryting ahn evrybady iina aala dis worl uopm op ahn ihn kyan si dem, so dat aala wi gwain hafy ansa tu him, ahn gi'im akount ah aal di tingz weh wi deh du.