Luke 20:21 - The New Testament in Islander Creole

²¹ So di man dem weh wende dag Jesus, kwestyan im seh, “Tiicha, wi nuo seh wat yo tiich ahn seh dah chruut aal di taim, ahn yo no pie no main tu pipl kandishan, bot yo tiich God wie bitout non lai.

Luke 20:21 Iomraidhean Croise

Matthew 22:16

So dehn sen dehn disaipl ahn som a King Herod falowa tu Jesus, ahn dehn seh tu im, “Tiicha, wi nuo seh yu tel di chruut aal di taim ahn yo tiich God wie bitout non lai. Yu no wory bout wat pipl gwain seh, ahn yu no pie main pan dehn kandishan.

Mark 12:14

Ahn dehn tel im, “Tiicha, wi nuo seh yu tel di chruut aal di taim, ahn yu no wory bout wat pipl gwain seh. Yu no pie main pan dehn kandishan, bot yo tiich God wie bitout non lai. So tel wi: ih deh gens fi wi Laa or no, fi pie taks tu Caesar, di Roman Empara?”

Luke 20:20

So dehn kiip wan kluos ai pan Jesus. Dehn sen som man fi dag im —weh wende plie seh dehn biliiv Jesus— fi trai kech im iina somting weh ihn wende seh, so dehn kuda han im uova tu di Roman govana, weh wehn gat di powa fi jiel im.

Luke 20:22

So tel wi: ih deh gens fi wi Laa or no, fi wi pie taks tu Caesar di Roman Empara?”

John 3:2

Wan nait ihn gaan dah Jesus ahn tel im, “Rabbi, wii nuo seh dah God ihnself sen yuu fi tiich wi, bikaaz nonbady kyaahn du di mirakl dem weh yuu deh du, eksep God deh wid dem.”

2 Corinthians 2:17

Unu si, wi dah no laik plenty pipl weh waahn get rich aafa priich God mesij. Bot wi fi priich God Wod wid di atarity weh Christ gi wi, ahn wid wan kliin haat fronta God, bikaaz dah him sen wi fi du ihn work.

Galatians 1:10

Unu tink seh Ai deh trai fi pliiz pipl? Nuo sah! Ai deh trai fi pliiz God! If Ai wende liv fi pliiz pipl, den Ai wudn deh sorv Jesus Christ.

Galatians 2:6

So, Ah taak tu di pipl dem weh unu kaal unu liida. Bot demde pipl no miin notn tu mii wan wie or di ada how unu deh kaal dem, bikaaz God no kansida nonbady beta an di neks wan. Wel, tu di lang ron, dehn neva gat wan ada ting fi ad aan tu weh Ai wende priich!