Luke 20:17 - The New Testament in Islander Creole

¹⁷ Bot Jesus luk striet pan dem ahn seh, “Den tel mi weh di Skriptyo wehn miin weh ih seh: ‘Di brik, weh di bilda dem neva waahn yuuz, kom fi bii di muos impuotant outa aala dem.’

Luke 20:17 Iomraidhean Croise

Matthew 21:42

So Jesus seh tu dem, “Unu neva riid di Skriptyo yet, weh seh: ‘Di brik weh di bilda dem neva waahn yuuz, kom fi bii di muos impuotant outa aala dem! Dis dah weh di Laad wehn du, ahn ih dah wan wandaful ting fi si'ih hapm!’

Mark 10:23

Jesus luk roun pan ihn disaipl dem ahn seh, “Ih uova haad fi sombady weh ongl chros iina mony fi get iina God Kingdom.”

Mark 12:10

Unu neva riid di Skriptyo yet, weh seh: ‘Di brik weh di bilda dem neva waahn yuuz, kom fi bii di muos impuotant outa aala dem!

Mark 3:5

Den Jesus get beks ahn ihn luk roun pan dem, ahn ihn fiil sary seh dehn haat wehn so haad. Den Jesus tel di man, “Strech out yo han!” Ahn di man strech'ih out, ahn rait dehso ihn han get gud jos laik di ada wan!

Luke 19:41

Now wen dehn wende get nier tu Jerusalem, Jesus si di sity, ahn ihn staat hala uova ih,

Luke 22:37

Ah deh tel unu: weh di prafit dem wehn rait dong iina di Skriptyo bout mii hafy hapm: ‘Dehn gwain tink seh him wende mongs dem weh brok di Laa.’ Yees, Ah seh tu unu, weh dehn rait dong bout mii, deh hapm now.”

Luke 22:61

Ahn di Laad Jesus ton roun ahn luk striet pan Peter. Den Peter memba weh di Laad wehn tel im: “Bifuor di ruusta kruo tudeh, yo gwain seh yo no nuo mi three taim.”

Luke 24:44

Afta dat, ihn seh tu dem, “Demya dah di siem tingz Ah wehn tel unu bout wen Ah stil wende wid unu: evryting weh Moses, di prafit dem, ahn weh wehn rait dong iina di Psalms bout mii wehn hafy hapm.”

John 15:25

Bot dat hapm jos laik how fi dehn Skriptyo seh ih wehn gwain hapm: ‘Dehn wehn hiet mi fi notn ataal.’

Acts 4:11

Jesus dah di Wan weh di Skriptyo wende taak bout weh ih seh: ‘Di brik weh di bilda dem wehn seh, “no gud,” kom fi bii aftawod, di muos impuotant outa aala dem.’

Ephesians 2:20

Unu wehn kom fi bii paat a di bildin weh gat di apasl ahn di prafit dem laik di foundieshan rak dem. Ahn Christ Jesus dah laik di fos brik, di chiif kaana-stuon, weh gi strent tu di bildin.

1 Peter 2:6

Dah jos laik weh God wehn seh iina di Skriptyo, wen ihn seh: “Si, luk, Ah deh put wan brik iina Zion. Dah wan chief kaana-stuon weh Ai pik —di muos impuotant wan— ahn dah stuon ongl preshos tu mi! Dah him weh no gwain disapaint nonbady, weh put dehn chros iina him!”